Толькі ўчора была перасягнутая адзнака пяць тысяч даляраў.
А 10‑й гадзіне раніцы па мінскім часе красавіцкія ф’ючарсы на золата прадаваліся па $5125—5128 за тройскую унцыю. Паводле звестак Investing.com, на максімуме мінулай ноччу каштоўны метал каштаваў больш за $5138.
Спотавая цана золата зноў вырасла амаль на 2,5%. Пры гэтым адзнаку $5 тысяч яна пераадолела толькі ў панядзелак раніцай, 26 студзеня.
Як лічаць эксперты, асноўная прычына росту золата — рост геапалітычнай напружанасці ў свеце. Да таго ж усе працягваюць чакаць чарговага зніжэння працэнтных ставак у ЗША.
Аднак што да перспектыў, меркаванні разыходзяцца. Паводле аналітыкаў, фінансавыя і геапалітычныя фактары яшчэ нейкі час будуць штурхаць цану золата ўгору. Разам з тым на рынку нарастае рызыка карэкцыі, таму далейшыя ўкладанні ў золата цяпер звязаныя з высокай верагоднасцю адкату, лічаць эксперты Investing.
У мінулым годзе цана на золата вырасла на 64 працэнты, з пачатку гэтага года ўжо амаль 15 працэнтаў
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары