Двух студэнтаў Віцебскага тэхналагічнага ўніверсітэту папярэдзілі за ўзаемаадносіны з апазіцыянерам.
Студэнты мастацка-тэхналягічнага факультэту Віцебскага тэхналягічнага ўнівэрсытэту Аляксандар і Ўсевалад (хлопцы прасілі не называць іхныя прозьвішчы) мелі папераджальную гутарку з дэканам Валянцінай Галубковай.
Паводле першакурсьніка Аляксандра, які быў на мінулых мясцовых выбарах назіральнікам і сябрам ініцыятыўнай групы актывіста стваранай партыі БХД Уладзімера Рамановіча, гаворка вялася якраз пра выбары. Спадарыня Галубкова папярэдзіла студэнта, што ён, канешне, вольны чалавек, і можа сам прымаць рашэньні, за каго галасаваць. Але ў дэканаце таксама працуюць вольныя людзі, якія могуць паўплываць на жыцьцё студэнта — да прыкладу, не адпусьціць з заняткаў па заяве або не паспрыяць у вырашэньні нейкіх праблем, у тым ліку і з вучобай.
Пра тое, што студэнты падтрымалі «не таго» кандыдата, размаўлялі і з Усеваладам, сябрам Аляксандра. Хлопцу сказалі, што выйграў выбары «патрэбны» кандыдат, да таго ж «свой» — прарэктар ВТУ Аляксей Шут. І, маўляў, тое, што хлопцы «зьвязаліся з апазыцыянэрам» і «забыліся, што вучацца ў дзяржаўнай установе», а Ўсевалад яшчэ й бясплатна і са стыпэндыяй, ім забудуць яшчэ ня хутка.
Абодва першакурсьнікі не выключаюць, што праблемы ў іх могуць паўстаць ужо падчас бліжэйшай сэсіі.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары