Свет66

ЗША накіруюць у Арменію больш за 13 мільярдаў даляраў інвестыцый. Гэта амаль палова яе гадавога ВУП

ЗША плануюць накіраваць у Арменію інвестыцыі на суму больш за 13 мільярдаў даляраў, што складае амаль палову гадавога ВУП краіны. Паводле інфармацыі Bloomberg, гэтыя сродкі павінны дапамагчы Ерэвану зменшыць шматгадовую залежнасць ад Расіі.

Віцэ-прэзідэнт ЗША Джэй Дзі Вэнс і прэм'ер-міністр Арменіі Нікол Пашынян. Фота: Kevin Lamarque/Pool Photo via AP

Падчас візіту віцэ-прэзідэнта ЗША Джэй Дзі Вэнса ў Арменію было падпісана пагадненне аб цывільным ядзерным партнёрстве. Яно прадугледжвае выдачу Арменіі да 9 мільярдаў даляраў. Яшчэ 4 мільярды плануецца накіраваць на развіццё праектаў у сферы штучнага інтэлекту. Для армянскай эканомікі, гадавы ВУП якой складае каля 27 мільярдаў даляраў, гэта беспрэцэдэнтныя сумы.

Ядзернае пагадненне адкрывае магчымасць паставак амерыканскіх атамных тэхналогій і ўдзелу кампаній ЗША ў будаўніцтве новай атамнай станцыі замест Мецаморскай АЭС, якая была ўзведзеная ў савецкі час і забяспечвае каля 40% электраэнергіі краіны. Дагэтуль станцыя знаходзілася пад кіраваннем «Расатама», а паліва пастаўлялася з Расіі.

Візіт Вэнса стаў часткай больш шырокай барацьбы за ўплыў на Паўднёвым Каўказе — важным транспартна-энергетычным рэгіёне. Пасля Ерэвана амерыканскі віцэ-прэзідэнт наведаў Баку, дзе з прэзідэнтам Азербайджана Ільхамам Аліевым была падпісаная Хартыя аб стратэгічным партнёрстве. Дакумент прадугледжвае супрацоўніцтва ў транспарце, энергетыцы, абароне і лічбавых тэхналогіях, а таксама развіццё так званага Сярэдняга калідора і праекта TRIPP — маршруту да Нахічэвані праз тэрыторыю Арменіі.

Актывізацыя ЗША ў рэгіёне адбылася пасля падзей жніўня 2025 года, калі ў Вашынгтоне было падпісана пагадненне паміж Арменіяй і Азербайджанам, якое паклала канец шматгадоваму канфлікту вакол Нагорнага Карабаха.

Збліжэнне Арменіі з ЗША паскорылася пасля вайны пачатку 2020‑х гадоў і страты кантролю над Нагорным Карабахам. Тады Ерэван не атрымаў чаканай падтрымкі ад Расіі і партнёраў па АДКБ, пасля чаго замарозіў удзел у арганізацыі. У 2023 годзе Арменія правяла першыя сумесныя вайсковыя вучэнні з ЗША.

У жніўні 2025 года Арменія і Азербайджан дамовіліся аб рэалізацыі праекта TRIPP, які прадугледжвае будаўніцтва аўтамабільнай, чыгуначнай і нафтагазавай інфраструктуры. У студзені 2026 года кіраўнік МЗС Арменіі заявіў, што ўдзел Расіі ў гэтым праекце не прадугледжваецца.

Каментары6

  • М
    13.02.2026
    А лукака душу д'яблу прадаў, здрадзіў народу і краіне ды на каленях што квартал кожны год поўзае перад ханам маскоўскай Арды каб той даў лукаке нейкі там мільярд.
  • Дзікпікавіч
    13.02.2026
    Галоўнае каб гэтыя мільярды не пайшлі ў Албанію
  • дзед вова жыве ў марах і з вялікай дзікай ў кішэні
    13.02.2026
    Ян,
    дзед вова як і гітлер ў 1945 жыве ў марах і з вялікай дзікай ў кішэні, не глядзі зашмат РТ, спадар.
    І нам Трэба шукаць кампрамісы і дамаўляцца паміш сабой (на мове) ніхто за нас гэта рабіць не будзе.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць