Пенсіянерка з Гомеля прыехала ў сталіцу, каб закапаць у снезе чужыя 125 000 рублёў
У Першамайскае РУУС Мінска звярнулася 78‑гадовая жанчына, якой на хатні тэлефон патэлефанавалі нібыта работнікі паліклінікі і паведамілі аб замене картак. У жанчыны даведаліся нумар пенсійнага пасведчання, паведамляе сталічная міліцыя.
Далей з мінчанкай звязаліся фальшывыя праваахоўнікі, якія распавялі — ад яе імя ажыццяўляюцца незаконныя фінансавыя аперацыі.
Яны даведаліся, якая сума грошай захоўваецца дома, і каб пазбегнуць крымінальнай адказнасці пераканалі жанчыну «задэклараваць» увесь ашчадак.
Выконваючы ўказанні зламыснікаў, пенсіянерка перадала кур'еру больш за 125000 рублёў. Ім была 67‑гадовая жыхарка Гомеля, якая сама стала ахвярай махляроў па аналагічнай схеме.
Пагражаючы крымінальным пераследам аферысты пераканалі жанчыну прыехаць у Мінск, забраць грошы і закапаць іх у гурбе снегу.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты42
Каментары