Ён памёр ад інсульту ва ўзросце 77 гадоў. Дэн Сіманс вядомы па раманах «Гіперыён» і «Тэрор»
Ва ўзросце 77 гадоў у Лонгманце (штат Каларада) памёр амерыканскі пісьменнік-фантаст Дэн Сіманс, паведамляе Newsweek.
«Мой дарагі сябар і непараўнальны пісьменнік Дэн Сіманс памёр у суботу ад інсульту ва ўзросце 77 гадоў. Ён кідаў выклік літаратурным нормам, даследуючы гістарычную прозу, жахі, крымінал і іншыя жанры», — паведаміў яго калега Дэвід Морэл.
Пісьменнік нарадзіўся ў штаце Ілінойс 4 красавіка 1948 года. Ён скончыў каледж Уобаш у штаце Індыяна. Пасля Сіманс атрымаў там ганаровую доктарскую ступень.
Пасля вучобы Сіманс стаў працаваць настаўнікам пачатковай школы. За 18 гадоў працы педагогам ён стаў суаўтарам першай у сваім родзе праграмы для адораных вучняў і быў фіналістам прэміі «Настаўнік года ў Каларада».
За сваё жыццё Сіманс напісаў 31 раман і зборнік апавяданняў. Яго кнігі публікаваліся ў 28 краінах і былі перакладзены на 20 моў.
Яго першы раман «Песня Калі» атрымаў Сусветную прэмію фэнтэзі 1986 года. Сіманс з'яўляецца ўладальнікам 12 прэмій «Локус» — літаратурнай прэміі ў галіне навуковай фантастыкі і фэнтэзі, прысуджаецца па выніках галасавання чытачоў аднайменнага часопіса.
Яго найбольш вядомы раман «Гіперыён» атрымаў прэмію Х'юга і стаў першым у сазе з чатырох кніг. Яго высока ацэньвалі крытыкі. Яшчэ адзін раман Сіманса — «Тэрор» — экранізаваў канал АМС у 2018 годзе.
У 2014 годзе пісьменнік атрымаў цяжкую траўму галавы падчас прагулкі і фактычна спыніў сваю літаратурную дзейнасць.
Чаму YouTube выдаліў каналы БелТА, СТБ і АНТ? Вось што вядома11
Каментары