Выйшла кніга для дзяцей «Казкі старога лецішча» Марыі Вайцяшонак
У выдавецтве «Дыграф» выйшла кніга Марыі Вайцяшонак «Казкі старога лецішча» для маленькіх чытачоў і іх бацькоў.
Пісьменніца стварыла не проста казачныя сюжэты, а цэлы філасофскі свет, пабудаваны на глыбокай павазе да ўсяго жывога, піша bellit.info.
Гэтыя казкі нарадзіліся там, дзе час цячэ паводле законаў прыроды: на старым лецішчы ў Іслачы і на новым — у Сілічах. Персанажы Марыі Вайцяшонак — вясковыя, лясныя і садовыя жыхары, якія любяць, мараць, шукаюць сваю долю і вырашаюць вечныя праблемы дабра і зла. Гэтая кніга — сустрэча з Беларуссю чароўнай, дзе кожная істота мае гісторыю і мае сваю душу.
Вы калі-небудзь задумваліся, пра што размаўляюць старыя рэчы ў дачных хатках, калі гаспадары з’язджаюць у горад? Якія сакрэты тояць у сабе кветкі ў садзе і вецер, што заблытаўся ў кронах дрэў? Гэтая кніга — як ціхая размова з самім сабой. Яна пра тое, як важна заўважаць магію ў звычайным тумане ці ў рыпенні дзвярэй.
Над афармленнем кнігі працавала мастачка Святлана Рыжыкава.
«Казкі старога лецішча» Марыі Вайцяшонак можна набыць у «Кніжнай шафе», «Акадэмічнай кнізе», а таксама замовіць праз Wildberries.
Водгук на кнігу можна пачытаць на сайце з навінкамі беларускай літаратуры.
-
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў
-
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна
-
Андрэй Федарэнка напісаў эсэ пра Янку Брыля, але яно больш чым проста пра Брыля ці літаратуру
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары