Прэс-сакратарка Белага дома Кэралайн Левіт агучыла ключавыя задачы маштабнай вайсковай кампаніі «Эпічная лютасць», якую праводзяць Злучаныя Штаты супраць іранскага рэжыму.
Паводле заявы, прэзідэнт Дональд Трамп вызначыў мэты аперацыі для гарантавання нацыянальнай бяспекі ЗША і стабільнасці ў свеце.
Кэралін Лівіт вылучае наступныя мэты аперацыі.
Дэмілітарызацыя — знішчэнне ўсіх ракетных запасаў і вытворчых магутнасцяў Ірана, а таксама поўны разгром вайскова-марскіх сіл краіны.
Барацьба з тэрарызмам — нейтралізацыя іранскіх проксі-груп, якія дэстабілізуюць рэгіён.
Ядзерная бяспека — канчатковае гарантаванне таго, што Іран ніколі не зможа стварыць ядзерную боегалоўку.
Кэралін Лівіт паведаміла, што з пачатку аперацыі «Эпічная лютасць» ужо ліквідаваны 49 вышэйшых кіраўнікоў іранскага рэжыму, уключаючы вярхоўнага лідара аяталу Алі Хаменеі.
У Белым доме дадалі, што прэзідэнт Трамп лічыць гэтыя крокі неабходнымі для спынення 47‑гадовай агрэсіі Ірана супраць Заходняй цывілізацыі.
«Амерыка пераможа — тэрарысты будуць разгромленыя», — рэзюмавала прэс-сакратарка, адзначыўшы, што час «слабасці і баязлівасці» ў дачыненнях з Тэгеранам скончыўся.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары