Расійская СПА збіла ўласны верталёт пад Растовам — загінулі трое членаў экіпажа
У ноч на 4 сакавіка расійскія СПА збілі ў Растоўскай вобласці верталёт Мі-8 Мінабароны РФ. Ён упаў на хлеў мясцовага фермера ў хутары Дудкі ў Мілераўскім раёне. Верталёт пасля падзення загарэўся, таксама згарэла гаспадарчая пабудова. Пра гэта ASTRA паведамілі мясцовыя жыхары і пацвердзілі крыніцы ў МНС РФ.
ASTRA дазванілася да фермера, на чый хлеў упаў верталёт. Ён паведаміў, што «з ім усё добра», паклаў слухаўку і ад далейшых каментарыяў адмовіўся.
Тры члены экіпажа верталёта загінулі на месцы. Мірныя жыхары не пацярпелі, дадалі крыніцы выдання ў МНС РФ.
Хутар Дудкі знаходзіцца ў некалькіх кіламетрах ад вайсковага аэрадрома «Мілерава».
Раней пра тое, што падчас працы СПА па ўкраінскіх беспілотніках быў збіты расійскі верталёт, паведамілі без дэталяў Z-паблікі і мясцовыя жыхары ў чатах. Губернатар пра збіццё верталёта і гібель траіх вайскоўцаў прамаўчаў, паведаміўшы, што «ніхто з людзей не пацярпеў».
«Мінулым вечарам і ноччу Растоўская вобласць падвяргалася паветранай атацы. Некалькі дзясяткаў БПЛА адбіты ў двух раёнах — Мілераўскім і Тарасаўскім. Людзі не пацярпелі. Але не абышлося без наступстваў на зямлі — у выніку падзення абломкаў БПЛА на тэрыторыю базы адпачынку, якая будуецца, часткова пашкоджаны (шкленне і ўваходныя дзверы) нежылога памяшкання. Інфармацыя пра наступствы ўдакладняецца», — напісаў растоўскі губернатар Юрый Слюсар.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»8
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары