800 г шпінату або лебяды, 1 лыжка мукі, соль, 1 лыжка масла, 1 шклянка булёну або малака, 1 чайная лыжка цукру.
Шпінат або лебяду перабраць, апаласнуць, ад вады адціснуць або абтрэсці. Укінуць у кіпень. Калі некалькі разоў перавернуцца і згатуюцца да мяккасці, перакласці ў халодную ваду, апаласнуць, адціснуць і перацерці цераз сіта. Распусціць лыжку масла, змяшаць з мукой, развесці булёнам або малаком і закіпяціць. Палажыць у гэтую вадкасць адвараныя шпінат або лебяду, перамяшаць, пасаліць і пасаладзіць, моцна нагрэць, але не кіпяціць, бо страва счарнее, і падаць з падсмажанымі ў масле грэнкамі, выпускнымі яйкамі, амлетам або падсмажанай цялячай пячонкай.
Для прыгатавання гэтай стравы можна таксама выкарыстаць маладую крапіву, салату, бацвінне радыскі, але ў гэтым выпадку разводзіць страву трэба не малаком, а толькі булёнам.
Выпускныя яйкі
Выпускныя яйкі, якія яшчэ часам называюць пердуты, робяцца наступным чынам: у ваду ў невялікім рондалі дадаць солі і воцату, невысока над рондалем акуратна разбіваюць яйкі і па адным упускаюць іх ў кіпень. Калі бялок зацвярдзее так, што яйка можна будзе выняць шумоўкай або друшляковай лыжкай, дастаць іх асцярожна па адным і пакласці ў талеркі, куды адразу ж пасля гэтага наліць суп. Яйкі раскладаюць непасрэдна па талерках, бо ў супніцы яны могуць падушыцца.
З кнігі В. Завадзскай «Літоўская кухарка», 1864 г.
Падрыхтавала НБ
Для КДБ пабудуюць асобную бальніцу на VIP-узроўні3
Каментары