У Маскве тэлефонныя махляры прымусілі 20‑гадовага футбаліста абакрасці прадпрымальніцу. Жанчыну ён зарэзаў
У Маскве адбылося жорсткае забойства 48‑гадовай Кацярыны, заснавальніцы бізнэса па навучанні нейрасеткам. Па падазрэнні ў злачынстве затрыманы 20‑гадовы Данііл Сякач, футбаліст з Кіславодска, які трапіў пад поўны ўплыў тэлефонных махляроў.
Злачынства рыхтавалася аферыстамі як шматхадовая аперацыя.
Спачатку яны апрацавалі 16‑гадовую дачку Кацярыны: прадставіліся паліцыяй і пераканалі яе адчыніць дзверы «супрацоўніку» для ператрусу. Гэтым «супрацоўнікам» і стаў 20‑гадовы Данііл, якога махляры таксама пераканалі, што ён удзельнічае ў спецзаданні, піша «База».
Данііл прыйшоў у кватэру з цэлым арсеналам: балгаркай, ломам, кувалдай і нажом.
Пакуль ён спрабаваў ускрыць сейф, махляры загадалі дзяўчынцы выйсці на вуліцу, каб затрымаць маці і не пускаць яе дадому. Дачка сустрэла тую і ўсё ёй расказала. Жанчына кінулася ў кватэру.
Там пачалася бойка, малады чалавек патрабаваў код ад сейфа, а потым зарэзаў жанчыну нажом.
Пасля забойства хлопец балгаркай ускрыў сейф, забраў каля 2 тысяч долараў і калекцыйныя манеты часоў Кацярыны II. Паводле дадзеных СК РФ, па ўказанні куратараў ён выкінуў выкрадзенае ў акно.
І толькі на наступны дзень ашуканцы дазволілі яму сысці з кватэры і адпусціць дачку забітай.
Хлопца затрымалі. Яму прад'яўлена абвінавачанне ў забойстве.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары
Праз гэтых падонкаў, дачка страціла маці, а малады хлопец стаў забойцам і страціў будучыню. Як такіх толькі свет носіць? Пасля смерці, яны будуць бясконца гарэць у аду.
Калі б не было гэтых падонкаў- ашункацаў, жанчына- маці была б жыва, дачка у бяспецы побач з ёю, а малады хлопец займаўся б футболам.