Беларускі бок неаднаразова спрабаваў вырашыць праблему з фурамі з літоўскай рэгістрацыяй палітыка-дыпламатычнымі спосабамі, але Вільня не ішла на дыялог. Пра гэта заявіў намеснік міністра замежных спраў Ігар Секрэта па выніках сустрэчы прэм’ер-міністра Аляксандра Турчына з літоўскімі і польскімі перавозчыкамі, піша БелТА.
Па словах намесніка міністра, за чатыры месяцы рабілася мноства спроб вырашыць гэту праблему палітыка-дыпламатычнымі спосабамі. «Але чамусьці Вільня разглядала і разглядае любыя кантакты на палітычным узроўні як уласную паразу. Мы абменьваліся гэтымі высновамі, здагадкамі з прадстаўнікамі іншых заходніх дзяржаў. Але яны не разумеюць, у чым заключаецца параза. Калі ёсць праблема на мяжы, яе трэба вырашаць, і суседзі з гэтым справяцца наўпрост, напэўна, лепш за ўсё», — сказаў Ігар Секрэта.
«Мы не кан’юнктуршчыкі, мы дзесяцігоддзямі жылі, зараблялі, падтрымлівалі вельмі добрыя адносіны. І дзеля нейкай кароткачасовай кан’юнктуры, толькі таму што ў Літве цяпер такі незгаворлівы ўрад, які не ідзе на кантакт, мы не хочам страчваць самае каштоўнае — чалавечыя кантакты, сувязі, бізнэс. Звычайныя людзі ўсё разумеюць. Сёння яны ад безвыходнасці казалі пра тое, што кампенсацыі ім не атрымаць, іх урады ім не дапамогуць. Таму іх надзея — на беларускі ўрад, што ён прыме рашэнне, якое дазволіць ім вярнуцца да нармальнай дзейнасці, весці бізнэс на карысць народаў: і беларусаў, і літоўцаў, і палякаў», — дадаў намеснік міністра замежных спраў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы69
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары