Расія паскардзілася ў ЮНЕСКА на фільм, які атрымаў «Оскара». Кажуць, што не падумалі пра дзяцей
Расійская Рада па правах чалавека звярнулася ў ЮНЕСКА са скаргай на дакументальны фільм «Спадар Ніхто супраць Пуціна», які атрымаў прэмію «Оскар», піша The Moscow Times.
У звароце сцвярджаецца, што ў стужцы, якая паказвае, як у расійскай школе пасля пачатку вайны ва Украіне распаўсюджвалася праваенная прапаганда, маглі быць парушаныя правы дзяцей. У прыватнасці, гаворка ідзе пра тое, што відэа са школьнікамі нібыта выкарысталі без згоды іх бацькоў і перадалі трэцім асобам для стварэння фільма.
У сувязі з гэтым расійскі бок просіць праверыць, ці былі ў аўтараў усе неабходныя дазволы і ці адпавядае карціна этычным і прававым нормам.
Фільм знялі амерыканскі рэжысёр Дэвід Бранштэйн і былы расійскі настаўнік Павел Таланкін. Менавіта настаўнік на працягу некалькіх гадоў фіксаваў тое, што адбывалася ў школе: заняткі, мерапрыемствы і іншыя падзеі. Пазней ён выехаў з Расіі і перадаў гэтыя матэрыялы для стварэння фільма.
На ўручэнні «Оскара» аўтары адзначылі, што іх работа паказвае, як грамадства можа паступова страчваць сваю краіну праз маўчанне і згоду з тым, што адбываецца. Яны таксама заклікалі спыніць войны і задумацца пра адказнасць кожнага чалавека.
Акрамя «Оскара», фільм раней атрымаў і іншую міжнародную ўзнагароду як найлепшы дакументальны праект.
BAFTA-2026: найбольш прызоў у «Бітвы за бітвай», найлепшым дакументальным фільмам стаў «Спадар Ніхто супраць Пуціна»
Фільм «Господин Никто против Путина» абурае нават антываенных расіян. Долін патлумачыў чаму
Расійскі настаўнік на працягу двух гадоў таемна зняў дакументальны фільм аб прапагандзе ў школе
«А я вам пакажу, адкуль на «Оскар» рыхтаваўся напад». Беларусы жартуюць з вусоў Ды Капрыа
Акцёр Шон Пэн замест цырымоніі ўручэння «Оскара» паехаў у Кіеў ВІДЭА
«Оскар-2025»: «Бітва за бітвай» названы найлепшым фільмам
Каментары
Не было б вайны, не было б кiно.