Пасажыры British Airways больш за 13 гадзін ляцелі з целам памерлай на борце жанчыны
На рэйсе авіякампаніі British Airways з Ганконга ў Лондан неўзабаве пасля ўзлёту памерла пасажырка, аднак самалёт працягнуў палёт да пункта прызначэння. У выніку пасажыры правялі ў паветры каля 13 гадзін, ведаючы, што на борце знаходзіцца цела памерлай, паведамляе The Sun.
Жанчына ва ўзросце каля 60 гадоў памерла праз гадзіну пасля ўзлёту з Ганконга. Аднак пілоты British Airways вырашылі працягваць палёт, а не вяртацца.
Да таго часу, калі Airbus A 350‑1000 набліжаўся да пасадкі, з'явіліся скаргі на пах.
«Відавочна, што сям'я жанчыны была ў роспачы, як і экіпаж. Многія хацелі вярнуцца ў Ганконг. Але, кажучы шчыра, калі пасажыр ужо памёр, гэта не разглядаецца як надзвычайная сітуацыя», — паведаміла крыніца выданню.
Думалі, што рабіць з целам — яго загарнулі і перанеслі ў кухню ў хвасце самалёта.
Паліцыя сустрэла нядзельны рэйс BA32 і папрасіла пасажыраў заставацца на сваіх месцах яшчэ 45 хвілін, пакуль шлі следчыя дзеянні.
Усім членам экіпажа кіраўніцтва прапанавала падтрымку, паводле The Sun, некаторыя не выйшлі на працу з-за псіхалагічнай траўмы.
Паводле крыніцы, адзінага пратакола абыходжання з памерлым пасажырам падчас палёту не існуе.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары