Грамадства11

Заснавальніка парталаў па арэндзе жытла асудзілі за палітыку. Ягоныя праекты — «Кватэры для вас» і «ТутКут»

Сяргей Рабцаў шмат гадоў развіваў беларускія сэрвісы пошуку кватэр на суткі і ствараў ІТ-рашэнні для аўтаматызацыі бізнэсу арэндадаўцаў — kdv.by (Кватэры для вас) і tutkut.by. Нядаўна яго асудзілі па палітычным крымінальным артыкуле і кінулі за краты.

Сяргей Рабцаў. Фота з ягонай старонкі Укантакце

Сяргей Рабцаў нарадзіўся ў 1981 годзе. Ён родам са Жлобіна, але апошнім часам жыў у Мінску. У 2003 годзе мужчына атрымаў вышэйшую адукацыю: ён скончыў аўтатрактарны факультэт Беларускага нацыянальнага тэхнічнага ўніверсітэта.

Кар'ера Рабцава пайшла зусім іншым шляхам — ён стаў прыкметнай фігурай у сферы нерухомасці.

Рабцаў вядомы як сузаснавальнік і ідэйны натхняльнік беларускіх парталаў па арэндзе кватэр на суткі tutkut.by і kdv.by («Кватэры для Вас»). Сяргей не проста здаваў жыллё: ён быў адмінам буйных тэматычных супольнасцяў для тых, хто працуе ў гэтай сферы ў Беларусі і Расіі. Таксама ён з'яўляецца саўладальнікам кампаніі «Элоджын» (Alodging), якая распрацавала мабільны дадатак для аўтаматызацыі бізнэс-працэсаў арэндадаўцаў. Кампанія імкліва развівалася і нават мела партнёрскія праграмы з буйнымі плацежнымі сістэмамі накшталт WebPay.

Пасля пачатку поўнамаштабнай вайны ва Украіне бізнэсовец эмацыйна выказваўся ў сацсетках. «Заставайцеся ўсе жывымі! Гэтая вайна нікому не патрэбная. Ні РБ, ні РФ, ні Украіне. Гінуць ні ў чым не вінаватыя людзі. Калі ў цябе трое дзяцей і яны адзін аднаго забіваюць? Гора агульнае», — пісаў Сяргей у канцы лютага 2022 года.

У Сяргея ёсць сям'я і двое дзяцей-падлеткаў.

Рабцава арыштавалі ў другой палове 2025 года. Яго асудзілі ў Мінскім гарадскім судзе паводле частак 1 і 2 артыкула 361‑4 Крымінальнага кодэкса (садзейнічанне экстрэмісцкай дзейнасці).

Цяпер мужчына ў зняволенні — у калоніі ці на «хіміі» з накіраваннем. У сацсетках ён так і не з'явіўся анлайн.

«Наша Нiва» — бастыён беларушчыны

ПАДТРЫМАЦЬ

Каментары1

  • обнимашки
    26.03.2026
    Скотному двору лукашенко не нужны умные, ему нужны послушные, как на скотном дворе КНДР.
    Вчерась, на скотном дворе КНДР, были сплошные обнимашки....

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць