План двухтыднёвага спынення агню прадугледжвае права Ірана і Амана спаганяць плату з суднаў, якія праходзяць транзітам праз Армузскі праліў. Пра гэта паведамляе Associated Press са спасылкай на крыніцу.
Іран накіруе сабраныя сродкі на аднаўленне. На што Аман патраціць атрыманыя грошы — пакуль невядома.
Праліў знаходзіцца ў тэрытарыяльных водах як Амана, так і Ірана. Раней міжнародная супольнасць лічыла гэты праход міжнародным водным шляхам і ніколі не плаціла пошліны.
Кіраўнік МЗС Ірана Абас Арагчы расказаў пра тэрміны аднаўлення суднаходства ў Армузскім праліве:
«Ад імя Ісламскай Рэспублікі Іран я выказваю ўдзячнасць і прызнанне маім дарагім братам, прэм’ер-міністру Пакістана, за іх нястомныя намаганні для спынення вайны ў рэгіёне.
У адказ на братэрскую просьбу прэм’ер-міністра Шарыфа, выказаную ў яго Twitter, і з улікам просьбы ЗША аб правядзенні перамоў на аснове іх прапановы з 15 пунктаў, а таксама заявы прэзідэнта аб прыняцці агульных рамак іранскай прапановы з 10 пунктаў у якасці асновы для перамоў, я ад імя Вышэйшага савета нацыянальнай бяспекі Ірана заяўляю:
Калі напады на Іран будуць спынены, нашы магутныя Узброеныя сілы спыняць свае абарончыя аперацыі. На працягу двух тыдняў бяспечны праход праз Армузскі праліў стане магчымым дзякуючы каардынацыі з Узброенымі сіламі Ірана і з належным улікам тэхнічных абмежаванняў.
Армузскі праліў — адзіны выхад для экспарту нафты з краін Персідскага заліва; праз яго перавозіцца да траціны звадкаванага прыроднага газу і амаль чвэрць нафты, што спажываецца ў свеце.
Цяпер чытаюць
«Фанаты стаялі ў чэргах яшчэ да адкрыцця рэстаранаў». Шаленства з бірулькамі фей на сумкі, якія выпусціла піцэрыя5
Каментары
Памятайце пра ўдзячнасць.