На «Беларусьфільме» распачалі працу над новым серыялам, дзеянне якога разгорнецца ў пачатку 1990-х. Рэжысёр Кірыл Халецкі, які раней зняў карціны «Класная», «Культурны код» і «Кіношнікі».
Падзеі развіваюцца на пачатку 1990‑х і канцэнтруюцца на падлетках і іх сталенні. Па жанры гэта трылер з элементамі дэтэктыва, піша sb.by.
Дэталі сюжэту пакуль трымаюцца ў сакрэце. Аднак вядома, што ў цэнтры — гісторыя двух хлопцаў, якія знаходзяць нешта незвычайнае. Менавіта гэта знаходка запускае ланцуг падзей і прыгод.
Пры гэтым у карціне знойдзецца месца і дарослым героям — людзям, якія «знаходзяцца ў прастрацыі і не разумеюць, як жыць далей».
Праект будзе шматсерыйным: запланавана чатыры серыі па 44 хвіліны. Пазней матэрыял перамантуюць у паўнаметражны фільм.
Кастынг працягнецца да канца красавіка.
Па словах рэжысёра, перш за ўсё шукаюць галоўных герояў — падлеткаў каля 12 гадоў. Далей будуць падбіраць дарослых актораў 30—35 гадоў і старэй.
Здымкі стартуюць у жніўні і працягнуцца да кастрычніка. А прэм’ера чакаецца не раней за восень 2027 года.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай12
Каментары