У Мінску са стральбой затрымалі расійскіх кур'ераў тэлефонных махляроў
У іх канфіскавалі 75 тысяч даляраў.
Затрыманыя два кур’еры тэлефонных ашуканцаў і іх асабісты кіроўца. Яны забралі ў жыхара Мінска $75 000, паведамляе «Міліцыя Мінска».
Супрацоўнікі мінскага крымінальнага вышуку затрымалі на месцы злачынства групу кур’ераў тэлефонных махляроў. Трое мужчын ва ўзросце ад 22 да 32 гадоў прыехалі ў Беларусь з іншай краіны, каб выконваць заданні тэлефонных ашуканцаў.
Пры іх знайшлі 75 тысяч даляраў, якія перадаў 42‑гадовы мінчук. Мужчына да апошняга не разумеў, што стаў ахвярай махляроў, і не верыў сапраўдным супрацоўнікам міліцыі, пакуль не апынуўся ў раённым аддзеле ўнутраных спраў.
Мінчук распавёў, што кантактаваў са злачынцамі каля месяца. Ён паспеў перадаць іншаму кур’еру каля 32 тысяч даляраў, у тым ліку пазычаныя ў сяброў. А затым па ўказанні «куратараў» прадаў кватэру, думаючы, што ратуе сваю маёмасць ад «чорных рыэлтараў». Менавіта гэтыя грошы ён перадаў аднаму з фігурантаў — яны канфіскаваныя і будуць вернутыя ўладальніку.
Яны патлумачылі, што знайшлі такую «падпрацоўку» ў сацыяльных сетках і прыехалі ў Беларусь ужо ў другі раз. Яны разумелі, што здзяйсняюць незаконныя дзеянні, таму дзеля канспірацыі падзялілі ролі, прыехалі ў краіну на асабістым аўтамабілі з кіроўцам і змянялі месцы пражывання ў Мінску. Нягледзячы на гэта, іх выкрылі.
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак41
Каментары