У Беларусі ў 2025‑м нарадзілася менш за 6 дзяцей на 1000 чалавек. Горш толькі ў Паўднёвай Карэі, Украіне і карлікавых Ватыкане і Сан-Марына.
За 2025 год у Беларусі нарадзілася 54 257 дзяцей, гаворыцца ў статыстыцы Белстата.
Гэта чарговы антырэкорд — у 2024‑м налічылі 58 938 дзяцей, што таксама лічылася найгоршым паказчыкам з часоў вайны.
Больш за ўсё дзяцей нарадзіліся ў Мінску (9543), Мінскай вобласці (9139) і Брэсцкай вобласці (9285). Менш за ўсё — у Віцебскай вобласці — 5773.
Калі параўнаць з годам прыходу Аляксандра Лукашэнкі да ўлады, то колькасць народжаных скарацілася роўная ўдвая. У 1994 годзе з'явілася на свет 111 тысяч дзяцей.
У выніку агульны каэфіцыент нараджальнасці ў Беларусі апусціўся ніжэй за 6 (лічыцца колькасць народжаных на 1000 чалавек).
Беларускія 5,99 — катастрафічны паказчык. Горш у свеце толькі ў Паўднёвай Карэі (4,76), Украіне (5,65), а таксама карлікавых Ватыкане і Сан-Марына.
Хоць у рэальнасці карціна ў Беларусі трохі лепшая. Проста ўлады сталі закладнікамі таго, што завышаюць колькасць насельніцтва. Калі пералічваць колькасць нараджэнняў не на дэкларуемыя 9,1 мільёна чалавек, а на рэальныя 8-8,5 мільёна (то-бок не ўлічваць беларусаў, якія выехалі з краіны), то паказчык выглядаў бы прэзентабельней.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку10
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
А остальные - скотные дворы описанные Орруэлом.