На баку Расіі ў вайне загінулі мінімум 394 тысячы чалавек — «Кіберпартызаны»
Гэта толькі тыя, у чыіх актах аб смерці прамым тэкстам указана гібель у выніку ваенных дзеянняў.
«Кіберпартызаны» падлічылі колькасць загінулых на баку Расіі ў вайне з Украінай паводле даных Расстата.
Паводле іх даных, ад пачатку вайны да 27 жніўня 2026 года загінулі не менш як 393 881 чалавек.
Як піша група, з агульнай базы рэгістрацыі смерцяў, якую збірае Расстат, яна адабрала людзей з такімі запісамі ў актах аб смерці:
- Y36 — «Ваенныя дзеянні»;
- Y89.1 — «Наступствы ваенных дзеянняў»;
- запісы пра смерць з прычыны ваенных або баявых дзеянняў без кода Y36 ці Y89.1 паводле класіфікатара МКБ-10.
«Кіберпартызаны» падкрэсліваюць, што атрыманая лічба паказвае мінімум вызначаных загінулых у выніку баявых дзеянняў і толькі на расійскім баку.
Група агаворвае некалькі абмежаванняў методыкі.
У статыстыку магла трапіць невялікая доля грамадзян Расіі, якія не ваявалі, але загінулі ў выніку баявых дзеянняў, а таксама загінулыя ў іншых войнах за гэты перыяд.
Праз памылкі супрацоўнікаў статыстыкі пры ўводзе кода або прычыны смерці частку загінулых маглі не ўлічыць.
Не трапілі ў падлік і тыя, хто загінуў на вайне, але па невядомых прычынах не быў унесены ў рэестр або быў унесены без прычыны смерці ці з няправільнай прычынай.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
400 тысяч ванек очерноземились на конец августа, плюс еще тысяч 50 за сентябрь-октября, плюс ордло и без вести пропавшие, итого уже около полмиллиона «хороших русских» и еще около 1 миллиона раненых, инвалидов и калек. Ну шо, путин, как гэбистский передовик, идет на сталинский рекорд.