Яго футбольны стаж налічвае 23 гады.
Абаронца Эшлі Янг завяршае кар'еру ў 40 гадоў.
«Ад Сэфтан-роўд (тут і далей стадыёны, на якіх ён гуляў — НН) да Вікарыдж-роўд, ад Віла-парка да Уэмблі, ад Олд-Трафард да Сан-Сіра, назад на Віла-парк, на Гудысан-парк і, нарэшце, на Портман-роўд. Гэта было неверагоднае падарожжа, пра якое ў дзяцінстве я толькі марыў! Але ў гэтай мары павінен быць канец, і субота можа стаць апошнім матчам у маёй прафесійнай кар’еры».
Эшлі Янг (нарадзіўся 9 ліпеня 1985 года) гуляў за «Уотфард», «Астан Вілу», «Манчэстэр Юнайтэд», «Інтэр», «Эвертан». Зараз выступае за «Іпсвіч» з другога дывізіёна Англіі. За зборную Англіі згуляў 39 матчаў.
У суботу «Іпсвіч» на сваім стадыёне «Портман Роўд» правядзе апошнюю гульню чэмпіянату супраць «Куінз Парк Рэйнджэрс». У выпадку поспеху клуб, які зараз займае другі радок у табліцы, напрамую вернецца ў прэм'ер-лігу, калі ж не, то будзе гуляць у стыкавых матчах.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары