Аляксандр Буцягін, якога вызвалілі ў выніку нядаўняга абмену паміж Польшчай і Беларуссю, вярнуўся ў Санкт-Пецярбург, паведамляе тэлеканал «Дождь».
У інтэрв'ю «Вестям» ён заявіў пра жаданне зноў паехаць на раскопкі ў анексаваны Крым: «Думаю, што так [вярнуся]. Пытанне цяпер стаіць хутчэй пра тое, ці паспею я арганізаваць экспедыцыю да лета, таму што там неабходна яшчэ даслаць справаздачы. Думаю, работы павінны быць працягнутыя.
Потым ён пацвердзіў сваё вяртанне ў Крым, а таксама заявіў, што ў Еўропу найбліжэйшым часам ён не паедзе: Думаю, што гэта было б неабачліва ў найбліжэйшым часам. Рана ці позна, калі гэтая гісторыя скончыцца, можа быць. Але цяпер трэба моцна падумаць і пракансультавацца. Цяпер я буду да гэтага вельмі ўважлівы, бо ўражанняў мне хапіла.
Буцягін быў затрыманы ў Польшчы ў лістападзе 2025 года на запыт Украіны. Яго абвінавачвалі ў разграбленні ўкраінскіх нацыянальных культурных каштоўнасцяў з-за раскопак у Крыме.
У сакавіку 2026 года польскі суд ухваліў яго экстрадыцыю ў Украіну, аднак на гэтым тыдні Буцягіна вызвалілі ў выніку абмену.
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе8
Каментары