Распрацаваны праект пашырэння ўчастка Даўгінаўскага тракта ў Мінску ад завулка Чарвякова ў бок Старавіленскага тракта. Пра гэта паведаміў кіраўнік адміністрацыі Цэнтральнага раёна Валерый Вараніцкі, пішуць Мінск-навіны.
— Распрацаваны адпаведны праект. Мы падзялілі яго на тры этапы. Зараз прыступілі да першага: пераносіцца разваротнае кола трамваяў. Да канца года яго завершым і паралельна будзем працаваць над другім і трэцім этапамі. У планах — правесці рэканструкцыю гэтага ўчастка вулічна-дарожнай сеткі да канца наступнага года, — адзначыў Вараніцкі.
У гэтай жа частцы раёна ідуць пашырэнне і рэканструкцыя вуліцы Карастаянавай з працягам яе да МКАД. Адзін участак ужо ўведзены ў эксплуатацыю. Усе работы плануецца завяршыць у наступным годзе. Гэтыя меры здымуць транспартную нагрузку з напрамку ў бок мікрараёна Паўночны.
— Акрамя таго, актыўнымі тэмпамі ў горадзе вядзецца будаўніцтва метро (у прыватнасці, станцыі трэцяй лініі на плошчы Бангалор, каля парку Дружбы народаў). Зараз праектуецца чацвёртая ветка, прадугледжваецца будаўніцтва дзвюх станцый на вуліцы Арлоўскай. З улікам рэканструкцыі Даўгінаўскага тракта людзям будзе зручна дабірацца да метро, — дадаў кіраўнік адміністрацыі Цэнтральнага раёна.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне22
Каментары
Долгиновский тракт идёт мимо переулка Червякова до ул.Орловской!
Вы там передайте этому чинуше, чтобы карту, лапоть, купил!
І сам Даўгінаўскі далей у бок Навінак.
Працы ўжо ідуць.
Раней накруцілі з трактамі, забудавалі гістарычныя напрамкі. Зараз спрабуюць прабіць ізноў, не заўсёды на старых месцах.