Выпадак адбыўся ўчора ў Дэнверы.

У міжнародным аэрапорце Дэнвера Airbus A321 авіякампаніі Frontier Airlines збіў чалавека на ўзлётнай паласе.
Як паведамляе ABC News са спасылкай на крыніцу ў авіяцыйнай галіне, самалёт увечары 8 мая накіроўваўся да ўзлётнай паласы для рэйса ў Лос-Анджэлес, калі на поле раптоўна выйшаў чалавек. Чаму ён там апынуўся, пакуль невядома.
На запісе перамоваў з дыспетчарамі пілот кажа: «Вышка, Frontier 4345, мы спыняемся на ўзлётнай паласе. Мы толькі што кагосьці збілі». Пасля ён паведаміў пра ўзгаранне рухавіка. Дыспетчары адразу спынілі ўсе самалёты паблізу і ўдакладнілі, колькі людзей знаходзіцца на борце.
Да самалёта накіравалі пажарных і ратавальнікаў, пасажыраў аўтобусамі вывезлі ў будынак аэрапорта.
Афіцыйнага пацверджання ад Frontier Airlines і паліцыі пакуль няма. Расследаваннем заняўся Нацыянальны савет па бяспецы на транспарце ЗША
Каментары