Індыя збіраецца пашырыць супрацоўніцтва з Расіяй у яшчэ адной стратэгічнай сферы
Расія і Індыя вядуць перамовы пра падрыхтоўку папярэдняй дамовы ў сферы крытычна важных мінералаў, перш за ўсё літыю і рэдказямельных элементаў. Паводле інфармацыі агенцтва Reuters, дакумент можа быць падпісаны на працягу найбліжэйшых двух месяцаў.
Асноўная ідэя пагаднення — стварыць доўгатэрміновае супрацоўніцтва паміж краінамі ў галіне разведкі радовішчаў, здабычы і перапрацоўкі карысных выкапняў. Таксама плануецца абмен тэхналогіямі і падтрымка інвестыцый з боку дзяржаўных і прыватных кампаній.
Індыя актыўна імкнецца ўмацаваць свае пазіцыі на рынку крытычна важных матэрыялаў, бо цяпер яна моцна залежыць ад Кітая, які кантралюе значную частку глабальных паставак і тэхналогій перапрацоўкі. Таму Нью-Дэлі шукае альтэрнатыўныя крыніцы сыравіны і партнёраў па ўсім свеце.
У апошнія гады Індыя ўжо заключыла шэраг пагадненняў у гэтай сферы з Аргенцінай, Аўстраліяй і Японіяй, а таксама вядзе перамовы з Чылі і Перу. Аднак вынікі пакуль абмежаваныя — краіна мае толькі адзін рэальны праект па здабычы літыю ў Аргенціне.
У кантэксце супрацоўніцтва з Расіяй абмяркоўваецца таксама магчымасць удзелу расійскіх кампаній у літыевых праектах у трэціх краінах. Напрыклад, разглядаецца вяртанне Індыі да праекта ў Малі, які звязаны з расійскай дзяржаўнай карпарацыяй «Расатам», калі там палепшыцца сітуацыя з бяспекай.
Індыя ў 2023 годзе афіцыйна прызнала больш за 20 мінералаў, уключаючы літый, стратэгічна важнымі для развіцця энергетыкі, электратранспарту і прамысловасці. Гэта звязана з ростам попыту на батарэі, электроніку і «зялёную» энергетыку.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары