Увечары 17 мая ва Уцянскім раёне Літвы ў полі быў выяўлены вайсковы беспілотнік. Кіраўнік Нацыянальнага цэнтра кіравання крызісамі (NKVC) Вільмантас Віткаўскас на тэрміновай прэс-канферэнцыі заявіў, што, папярэдне, апарат з'яўляецца ўкраінскім.
Знойдзены дрон — разбіты, аднак бачных слядоў выбуху на месцы падзення няма. Наяўнасць баявога зарада ўнутры апарата высвятляюць спецыялісты.
Радары Узброеных сіл Літвы ў гэты дзень яго палёту не зафіксавалі, пра дрон паведамілі мясцовыя жыхары.
Паводле аналізу абломкаў, літоўскі бок схіляецца да версіі, што гэта ўкраінскі дрон. З якой менавіта краіны ён заляцеў у Літву, пакуль дакладна не вызначана.
Раніцай таго ж дня (17 мая) яшчэ адзін беспілотнік заляцеў на тэрыторыю Латвіі, пасля чаго пакінуў яе паветраную прастору.
Гэта ўжо не першы падобны выпадак у Літве. У сакавіку гэтага года на возера Лавісас (Варэнскі раён) каля мяжы з Беларуссю таксама ўпаў украінскі вайсковы дрон. Тады афіцыйныя інстанцыі паведамілі, што БПЛА накіроўваўся для атакі на аб'екты ў Расіі, але збіўся з курсу з-за актыўнай працы расійскіх сістэм радыёэлектроннай барацьбы (РЭБ). Эксперты адзначаюць, што падобныя інцыдэнты ў апошнія месяцы сталі часта паўтарацца па ўсім Балтыйскім рэгіёне.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары