Развіццё ўласных радовішчаў прыроднага газу паскарае Кіпр, ён плануе пачаць яго продаж у Еўропу ўжо з 2028 года, піша Euronews.
Прэзідэнт краіны Нікас Хрыстадулідзіс паведаміў, што ў кіпрскай выключнай эканамічнай зоне былі дасягнуты новыя дамоўленасці з буйнымі энергетычнымі кампаніямі — Exxon, а таксама кансорцыумам Eni і TotalEnergies. Асноўная мэта гэтых праектаў — перайсці ад разведкі радовішчаў да рэальнай здабычы і экспарту газу.
Асаблівая ўвага надаецца радовішчу «Кронас», па якім ужо зацверджаны план распрацоўкі. Менавіта яно разглядаецца як адно з ключавых для старту прамысловай здабычы. Паводле плану, кансорцыум Eni—TotalEnergies павінен у найбліжэйшы час прыняць канчатковае інвестыцыйнае рашэнне па яго асваенні.
Акрамя гэтага, улады таксама прасоўваюць праект па радовішчы «Афрадыта», дзе ўдзельнічаюць кампаніі Chevron, BG і NewMed Energy. Па ім інвестыцыйнае рашэнне чакаецца да 2027 года.
Урад Кіпра разглядае газавыя праекты як стратэгічна важныя, бо яны павінны ўзмацніць энергетычную незалежнасць краіны і яе ролю ў рэгіёне. Таксама адзначаецца, што экспарт плануецца ажыццяўляць праз Егіпет, а далей — у еўрапейскія краіны.
У цэлым Кіпр пераходзіць ад доўгіх гадоў разведкі (з пачатку адкрыццяў у 2011 годзе) да этапу прамысловай распрацоўкі і разлічвае, што першыя пастаўкі газу на рынак пачнуцца ў 2028 годзе.
У Еўропе энергетычны крызіс. Ці будзе яна зноў купляць нафту і газ у Расіі?
Як вайна Трампа з Іранам наблізіла канец нафты і газу і адкрыла дарогу электрычнасці
Цэны на газ у Еўропе падскочылі на 27% праз вайну ў Іране
Еўропа адвыкла ад расійскага газу. Халодная зіма 2026 года ўпершыню абышлася без крызісу
Цяпер чытаюць
Лукашэнка нервова пракаментаваў візіт Ціханоўскай у Кіеў15
Каментары