«Ад тых маршрутаў, якія пралягаюць міма нашых межаў, бывае, беспілотныя лятальныя апараты адхіляюцца».
Дроны залятаюць у Беларусь амаль штодня, паведаміў камандуючы ВПС і войскамі СПА Андрэй Лук'яновіч.
«Мы маем выступы як на тэрыторыі Украіны, так і на тэрыторыі Расійскай Федэрацыі, на поўдні, на ўсходзе. Таму ад тых маршрутаў, якія пралягаюць міма нашых межаў, бывае, беспілотныя лятальныя апараты адхіляюцца і парушаюць паветраную прастору. У тым ліку сродкі электроннай барацьбы ўплываюць на маршрут палёту», — пракаментаваў Лук'яновіч на СТБ.
Ён дадаў, што, калі паветраная цэль уяўляе пагрозу крытычна важным аб'ектам, яе знішчаюць.
Улады рэдка каментуюць інцыдэнты з беспілотнікамі, якія залятаюць у беларускія населеныя пункты.
У лютым, калі расійскім вайскоўцам адключылі Starlink, дронаў стала залятаць болей. У сакавіку гук, падобны да дрона, чулі ў Мінску.
Ваенна-паветраныя сілы і войскі СПА Беларусі ў сакавіку паведамлялі, што збілі тры дроны, якія заляцелі ў нашу краіну з-за мяжы.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
"некоторые дроны над головой мы, извините, сбиваем. Основную массу нет. И так ежедневно". Признание соагресора.