«Сабору трэба шмат грошай».
З 1 ліпеня ўваход у Кёльнскі сабор для турыстаў стане платным. Візіт будзе каштаваць 12 еўра, паведаміў настаяцель сабора Гвіда Асман, піша Bild.
Да гэтага часу патрапіць у адзін з самых вядомых храмаў Германіі можна было бясплатна: кожны год яго наведваюць каля 6 мільёнаў чалавек.
У саборы адзначаюць, што гэта не проста білет, а «плата за агляд», якая патрэбна для ўтрымання, аховы і працы будынка. Для школьнікаў, студэнтаў, навучэнцаў, якія суправаджаюць школьныя групы, і ўладальнікаў сацыяльнага пасведчання кошт складзе 6 еўра.
Дзеці да 13 гадоў, людзі з цяжкай інваліднасцю і іх суправаджальнікі змогуць наведваць сабор бясплатна. Доступ на богаслужэнні таксама застанецца свабодным.
«Сабор каштуе грошай, сабору трэба шмат грошай», — сказаў кіраўнік фінансавых пытанняў сабора Клеменс ван дэ Вен.
Паводле яго слоў, утрыманне аб’екта сусветнай спадчыны ЮНЕСКА абыходзіцца ў 44 тысячы еўра ў дзень.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
ясплатна
P.S. Я атрымаў візу і праз месяц еду у госці. Як раз у Кёльн.