Беларускі бензін б'е па кашальках масквічоў: АЗС Расіі вымушаны купляць дарагое паліва з Беларусі
Тэмпы росту рознічных цэн на паліва ў Маскве і Падмаскоўі за апошні тыдзень паскорыліся ў 3—4 разы, піша «Коммерсант». Праз украінскія атакі на расійскія НПЗ, у тым ліку Маскоўскі НПЗ, у Расіі ўтвараюцца перабоі з палівам. Расійскія незалежныя сеткі АЗС вымушаны пераключыцца на закупкі больш дарагога беларускага бензіну, што адбілася на цэнніках для спажыўцоў.
Паводле выдання, біржавыя продажы бензіну беларускай вытворчасці ў Расіі за першыя тры тыдні чэрвеня выраслі ў 51 раз у параўнанні з аналагічным перыядам мінулага года — да 51,36 тысячы тон.
Беларускае паліва абыходзіцца расійскім прыватным АЗС даволі дорага. На біржы тона беларускага АІ-92 каштуе звыш 111 тысяч расійскіх рублёў, а АІ-95 — больш за 124 тысячы. Расійскія нафтапрадукты на біржы каштуюць на 37—50% танней, аднак набыць іх незалежным сеткам АЗС практычна немагчыма з-за дэфіцыту. Бо буйныя расійскія кампаніі накіроўваюць усе свае рэсурсы на ўласныя запраўкі.
У выніку купля дарагога беларускага паліва прывяла да таго, што толькі за тыдзень у Падмаскоўі АІ-95 падаражэў адразу на 3,44 расійскага рубля (на 13 капеек), а АІ-92 — на 3,87 расійскага рубля (на 15 капеек).
Сітуацыяй з цэнаўтварэннем на АЗС у Маскоўскім рэгіёне ўжо зацікавілася Федэральная антыманапольная служба, якая патрабуе ад сетак абгрунтавання высокіх цэн.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары