Мужчына з Барысава скраў у мінчанкі грошы, а пасля на іх жа запрасіў яе ў кавярню
У Партызанскае РУУС Мінска звярнулася жанчына, якая паведаміла пра крадзеж грошай з кватэры. Праведзенае следства паказала, што тут не абышлося без пэўнай рамантыкі.
Супрацоўнікі крымінальнага вышуку высветлілі, што напярэдадні ў жанчыны гасцяваў 42‑гадовы знаёмы з Барысава. Паводле слоў пацярпелай, яна запрасіла сябра ў госці, бо перажывала цяжкі эмацыйны перыяд і хацела выгаварыцца.
Падчас размовы гаспадыня паказвала госцю прадметы інтэр'еру, у тым ліку дэкаратыўную шкатулку, у якой захоўваліся грошы. Мужчына звярнуў на гэта ўвагу.
Раніцай, калі жанчына выйшла ў ванны пакой, ён скарыстаўся момантам і выкраў са шкатулкі 100 даляраў ЗША, пасля чаго паехаў дадому. Па дарозе частку скрадзенай сумы абмяняў у абменным пункце.
Праз некаторы час мужчына прапанаваў мінчанцы сустрэцца на абед у кавярні. Пры гэтым за яго ён расплаціўся менавіта тымі грашыма, якія раней скраў у жанчыны. Астатнія ж грошы выдаткаваў на асабістыя патрэбы.
Цяпер у дачыненні да барысаўца завялі крымінальную справу па факце крадзяжу.
Беларускі маньяк сядзіць у Расіі і прыдумляе сабе новыя крымінальныя справы, каб не вяртацца ў турму, дзе яго катуюць
У Гродне дзяўчатам 14 і 15 гадоў пагражае калонія за шопінг у інтэрнэце
У Салігорску мужчына пагарэў на крадзяжы хатняга варэння
У Лепельскім раёне мужчына ўпаляваў ваўка, і гэта стала пачаткам непрыемнасцяў
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?10
Каментары