Жыхара Смаленска пакаралі за каментары пра неабходнасць далучэння горада да Беларусі
35‑гадовы Дзмітрый пісаў «Укантакце» пра тое, што трэба вызваляць Смаленск.
Жыхар Смаленска Дзмітрый Тузаў перыядычна дзяліўся сваім меркаваннем у суполцы «Падслухана Смаленск» «УКантакце». Прэтэнзіі ў расійскіх сілавікоў узніклі да трох яго каментароў.
У адным з іх, як сцвярджае экспертыза, Дзмітрый станоўча ацэньваў выхад Смаленска са складу Расіі і ўваходжанне ў склад Беларусі, «сцвярджаючы неабходнасць такога становішча спраў». У другім каментары гаварылася пра вызваленне Смаленска, у выніку якога горад перастаў бы знаходзіцца ў складзе Расіі. Яшчэ адзін каментар суд палічыў выказваннем «гвалтоўнага, варожага характару» ў дачыненні да супрацоўнікаў ФСБ і Уладзіміра Пуціна.
У судзе Тузаў прызнаў віну і раскаяўся. Ён патлумачыў, што намер пісаць такія каментары ў яго ўзнік з пачаткам поўнамаштабнага ўварвання Расіі ва Украіну (у пастанове яно названае «спецыяльнай ваеннай аперацыяй») і што рабіў ён гэта дзеля рэакцыі карыстальнікаў.
Ленінскі раённы суд Смаленска прызнаў Тузава вінаватым у «публічных заклікаx да парушэння тэрытарыяльнай цэласнасці Расіі» (ч. 2 арт. 20.3.2 КаАП РФ) і аштрафаваў яго прыкладна на $775. Гэта мінімальны штраф, прадугледжаны санкцыяй артыкула.
Пры гэтым у пастанове адзначаецца, што за тыя ж публікацыі супраць Тузава заведзеная і крымінальная справа — пра публічныя заклікі да тэрарыстычнай дзейнасці.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА42
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары