Самую танную кватэру ў Мінску ў мінулым месяцы купілі за $35 тысяч
Мікракватэра на 24 квадраты ў «Мінск-Свеце» каштавала ў 2,5 разу даражэй.
Самай таннай здзелкай на рынку нерухомасці Мінска ў ліпені стала аднапакаёвая кватэра на вул. Баляслава Берута, 17/1. За аб’ект плошчай 33,2 кв. м у доме 1971 года пакупнік заплаціў усяго $34 590. Кошт квадратнага метра склаў $1 042, паведамляе Realt.
Пры гэтым найніжэйшая цана квадратнага метра зафіксаваная ў трохпакаёвай кватэры на вул. Маскоўская, 1. Аб’ект плошчай 63,4 кв. м быў прададзены за $49 031, або ўсяго $773 за квадратны метр.
А найбольш кампактнай кватэрай стала аднапакаёвае жытло ў «Мінск-Свеце» на вул. Леаніда Шчамялёва, 28. Пры плошчы ўсяго 23,4 кв. м аб’ект 2025 года пабудовы быў прададзены за $86 455. Невялікая плошча пры гэтым істотна паўплывала на кошт метра — ён склаў $3 695.
Самай жа дарагой здзелкай месяца стала кватэра на вул. Грыбаедава, 21 у жылым доме «Аб’ект 6» 2025 года пабудовы. Пры плошчы 168 кв. м аб’ект быў прададзены за $1,2 мільёна. Гэта не толькі найбольшая сума здзелкі месяца, але і абсалютны рэкорд па кошце квадратнага метра — $7 161. І гаворка тут ідзе пра набыццё рэзідэнцыі свабоднай планіроўкі.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары