У пятніцу наc чакае чвэрцьфінал: Бразілія – Галандыя.
Бразілія перамагла ў панядзелак зборную Чылі 3:0 (Жуан, 35, Луіс Фабіяну, 38-я, Рабінью, 59) і ў чвэрцьфінале чэмпіянату свету па футболе ў пятніцу, 2 ліпеня, згуляе са зборнай Галандыі, што перамагла Славакію – 2:1.
Такім чынам вядомыя ўжо тры пары ўдзельнікаў чвэрцьфіналу чэмпіянату свету па футболе:
У пятніцу, 2 ліпеня, згуляюць:
Бразілія – Галандыя (пачатак а 17:00), Уругвай – Гана (21:30),
у суботу а 17-й – Нямеччына – Аргенціна.
***
Апошнія ўдзельнікі чвэрцьфіналу вызначацца ў аўторак.
А 17-й пачнецца матч Парагвай – Японія. А 21:30 – Іспанія – Партугалія. Пераможцы азначаных гульняў сыйдуцца ў суботу, 3 ліпеня, у чвэрцьфінале, што пачнецца ў 21:30.
Паўфіналы пройдуць 6 і 7 ліпеня (аўторак і серада), матч за 3-е месца – 10 ліпеня, фінал – 11 ліпеня.
***
Сенсацыйная зборная Славакіі пакідае мундыяль у Паўднёвай Афрыцы. На стадыі 1/8 фіналу каманда Уладзіміра Вайса саступіла галандцам.
У першым тайме гол забіў адзін з найлепшых гульцоў гэтага сезона Ар’ен Робен. Ён удала выйшаў на ўдарную пазіцыю і прабіў у блізкі кут.
Канец першага тайма і пачатак другога славакі не прапусцілі больш найперш дзякуючы намаганням варатара Мухі. Цяпер ясна за якія заслугі гэтага галкіпера купіў англійскі «Эвертан».
Славацкі бамбардзір Вітэк меў шанцы адыграцца, але мазаў з выгадных становішчаў. А вось Снайдэр свой момант не ўпусціў — 2:0.
Зборная Славакіі змагла адыграць толькі адзін мяч. За знос Якубкі пенальці рэалізаваў Вітэк — 2:1. Адразу пасля ўдару суддзя даў фінальны свісток.
Так матч і скончыўся.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары