Сустрэча адбылася 2 верасня ў Ватыкане пасля агульнай аўдыенцыі і доўжылася некалькі хвілін. Пасля сустрэчы з папам Рымскім Львом XIV былы палітвязень Андрэй Пачобут расказаў Польскаму прэс-агенцтву, што адчуў унутраны спакой.
Андрэй Пачобут адзначыў, што для каталіка сустрэча з папам — асаблівая падзея. Паводле яго слоў, апошнія месяцы былі вельмі насычанымі, а перад вяртаннем у Беларусь ён адчуваў усё большае ўнутранае напружанне. Цяпер жа пасля размовы з пантыфікам яму стала значна спакайней.
Падчас сустрэчы Пачобут папрасіў Папу благаславіць Беларусь, яго сям’ю і Саюз палякаў Беларусі. Ён таксама перадаў яму копію абраза Маці Божай Кангрэгацкай, які некалькі стагоддзяў таму трапіў з Апостальскай сталіцы ў Гродна і стаў адным з сімвалаў польскага каталіцтва. Пачобут папрасіў благаславіць гэты абраз, каб пасля ён вярнуўся ў Гродна і застаўся ў Саюзе палякаў Беларусі.
Гаворачы пра становішча палякаў у Беларусі, Пачобут адзначыў, што яно застаецца складаным. Пасля вызвалення ён правёў шмат размоў з прадстаўнікамі Саюза палякаў і цяпер ведае пра сітуацыю значна больш. Паводле яго слоў, найбліжэйшым часам стане зразумела, як яна выглядае на самой справе.
Успамінаючы гады зняволення, Пачобут расказаў, што Каляды і Вялікдзень у турме нічым асабліва не адрозніваліся ад іншых дзён. Аднойчы ў камеры на 12 чалавек разам з ім знаходзіўся толькі яшчэ адзін каталік, а астатнія былі праваслаўнымі. Нягледзячы на гэта, ён сабраў усіх за сталом і падзяліўся з імі аплаткай. Аднойчы аплатка, якую яму перадалі з іншага турэмнага корпуса ад польскага зняволенага, ледзь не стала сапраўдным цудам.
Пра смерць папы Францішка Пачобут даведаўся са значным спазненнем, бо ў той перыяд яго ўжо ўтрымлівалі ва ўзмоцненай ізаляцыі. Пра абранне Льва XIV ён пачуў з дзяржаўнага беларускага радыё, якое часам уключалі ў турме.
Цяпер Пачобут працуе над кнігай пра свой жыццёвы досвед. Ён прызнаецца, што хоча расказаць пра пяць гадоў зняволення падрабязна, бо нават самае доўгае інтэрв’ю не дазваляе перадаць усё перажытае. Паводле яго слоў, ён спадзяецца паставіць у гэтай кнізе кропку і такім чынам закрыць для сябе гэту гісторыю.
Пачобут таксама прызнаў, што гады зняволення пакінулі пасля сябе псіхалагічныя наступствы. Аднак ён кажа, што спраўляецца з імі.
Пачобут: У верасні я вярнуся ў Беларусь, каб пашыраць там прастору для свабоды выказвання
Пачобут: Паеду ў Беларусь на пачатку верасня. Скончу яшчэ некалькі спраў і паеду
Андрэй Пачобут атрымаў арэндную кватэру ў Беластоку
Андрэй Пачобут папрасіў прэм’ера Польшчы выдаваць беларусам дакумент замежніка мінімум на тры гады
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак10
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары
[Зрэдагавана]
Прыйдзе твой Час !