Ва Уздзенскім раёне на гіганцкай патэльні за раз прыгатавалі 150 кілаграмаў смажанай бульбы ФОТЫ
У аграгарадку Дзешчанка Уздзенскага раёна падчас рэгіянальнага фестывалю-кірмашу «Бульбяны фэст» адкрылі незвычайны арт-аб’ект — гіганцкую патэльню дыяметрам 1,8 метра. На ёй можна гатаваць вялікую колькасць ежы адразу, піша «Мінская праўда».
Першая страва на новай патэльні з’явілася адразу пасля яе адкрыцця. Для гасцей свята кухары Дзешчанскай сярэдняй школы прыгатавалі смажаную бульбу з мясам. На страву выкарысталі 150 кілаграмаў бульбы і 20 кілаграмаў мяса. Бульба атрымалася румянай і духмянай, а наведвальнікі фестывалю хутка разабралі яе на дэгустацыю.
Падчас свята адбылася яшчэ адна кулінарная акцыя. Старшыня Мінскага аблвыканкама Аляксей Кушнарэнка прыгатаваў дранікі на так званай «таежнай свечцы» — спецыяльнай драўлянай калодцы, якая выкарыстоўваецца для гатавання. Гэтым разам атрымаліся незвычайныя дранікі з сервелатам, якія назвалі «губернатарскімі».
Вёска Дзешчанка вядомая тым, што там існуе музей бульбы і помнік гэтай надзвычай папулярнай у Беларусі сельскагаспадарчай культуры.
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17
Каментары
бульбы і дзевак!