Музыка33

Вядомы расійскі рэпер ніяк не можа выступіць у Мінску — то з законамі не шчасціць, то са здароўем

27‑гадовы Bushido Zho з Масквы — перспектыўны малады рэпер, трэкі якога не пакідаюць расійскія чарты. Але з выступамі ў Беларусі ў яго бяда: Жаас Маскураў адмяняе ўжо другі канцэрт запар. І абставіны дзіўнаватыя.

Фота: bushidozho1 / Instagram

25 верасня ў мінскім Палацы спорту збіраўся выступіць Bushido Zho. Гэта малады і перспектыўны расійскі рэпер: яго трэкі набіраюць мільёны праслухоўванняў на стрымінгавых платформах і пастаянна прысутнічаюць у расійскіх чартах.

Беларускія слухачы чакалі канцэрта Жааса Маскурава яшчэ са снежня 2025 года — тады рэпер абвясціў, што выступіць 30 красавіка 2026 года ў Falcon Club Arena. Але ж выступ адмянілі, патлумачыўшы гэта «зменамі ў заканадаўстве Беларусі і немагчымасцю правядзення канцэрту з мінулым арганізатарам».

Якія законы маглі мець на ўвазе? З верасня 2025‑га ў краіне дзейнічае пастанова №454б, паводле якой канцэрты з беларускімі ці замежнымі выканаўцамі могуць праводзіць толькі арганізатары, уключаныя ў адпаведны рэестр. Вось толькі Bushido Zho анансаваў прыезд у Беларусь праз некалькі месяцаў, а на час адмены канцэрту тая пастанова дзейнічала ўжо паўгода.

Прыезд Bushido Zho перанеслі на восень. Але 22 верасня, усяго за тры дні да выступу расіяніна ў Палацы спорту, рэпер абвясціў у сторыс непрыемныя навіны:

«На вялікі жаль, мы вымушаныя перанесці канцэрт, які мусіў адбыцца 25 верасня, на снежань. Гэта праз тое, што я знаходжуся за мяжой і праходжу некалькі медабследаванняў, так супала, што ўсё гэта ў адну дату. Я ведаў, што так атрымаецца, і не мог раней сказаць вам пра перанос, бо мы не мелі новай даты. Але гэта ў любым выпадку снежань, дату абвяшчу цягам некалькіх дзён.

У першы раз, на жаль, клуб перанёс нам мерапрыемства на іншую пляцоўку, большую памерам. Мы пачалі прадаваць на яе квіткі, гэта цудоўныя навіны. Але так здарылася, што ў другі раз ужо я кажу вам пра перанос».

Жаас тлумачыць тое, што сказаў пра перанос так позна, тым, што раней арганізатары не мелі новай даты. Але ж тлумачэнне выглядае дзіўным, бо і цяпер ён не кажа, калі канкрэтна ў снежні адбудзецца канцэрт, і не называе, дзе ён пройдзе.

Магчыма, Bushido Zho давялося адмяніць канцэрт проста па ідэалагічных прычынах? У каментарах тг-канала артыста ёсць цікавае паведамленне ад аднаго з мадэратараў: той піша, што ў пераносах ніхто не вінаваты і ў Мінску не так проста правесці канцэрт.

Дый у самога Bushido Zho ёсць такія тэксты, з якімі можа прымірыцца не кожны ідэолаг. У сваіх трэках ён ужывае лаянку, згадвае наркотыкі, алкаголь, гвалт. У GLOCK17 ён спявае «Не злуй мяне, я паб’ю цябе ў тваёй кватэры», а ў DRUNK — «Ало, мы ў клубе, я п’яны».

А вось некалькі радкоў з яго трэка «Дай мне паглядзець»:

«Яна такая гарачая, можна памерці,

Падыдзі сюды голенькая, дай мне паглядзець […]

Дай мне, дай мне

Жопу, цыцкі, тверк».

«Наша Нiва» — бастыён беларушчыны

ПАДТРЫМАЦЬ

Каментары3

  • Барадзед
    22.09.2026
    [Рэд. выдалена]
  • Spotifight
    22.09.2026
    Крывавы рэжым сарваў злёт твёрчай моладзі "саюзнай дзяржавы"? Хай паспрабуюць у Твёрі сабрацца, з такімі тэкстамі гэта будзе лагічней і правільней.
  • Aurus
    22.09.2026
    Праваслаўны?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць