Хто той грамадзянін Чэхіі, які прыехаў у Беларусь да хворай маці і быў арыштаваны за данаты на падтрымку Украіны
Віталь Дзямідчык з Гродна апошнія дваццаць гадоў пражыў у Чэхіі і меў два грамадзянствы. Яму пагражае да дзесяці гадоў калоніі.
Віталь Дзямідчык нарадзіўся ў 1974 годзе ў Гродне. З 2006 года ён пастаянна жыў у Чэхіі, дзе атрымаў мясцовае грамадзянства, захаваўшы пры гэтым і беларускі пашпарт.
У Празе Віталь займаўся бізнэсам: з вясны 2025 года ён быў зарэгістраваны як індывідуальны прадпрымальнік. Яго дзейнасць была звязана са сферай транспартных перавозак, ІТ і арэндай жылля.
Спакойнае жыццё ў Еўропе перапынілася, калі летам 2026 года Віталь вырашыў паехаць у Беларусь, каб наведаць хворую маці. Неўзабаве пасля перасячэння мяжы, 30 чэрвеня, яго затрымалі сілавікі.
Цяпер мужчына знаходзіцца ў мінскім СІЗА №1 у чаканні суда. Падставай для крымінальнага пераследу сталі грашовыя пераводы на падтрымку Украіны.
Дзямідчыку пагражае ад пяці да дзесяці гадоў калоніі са штрафам па артыкуле 361‑3 Крымінальнага кодэкса.
Праваабаронцы ўжо прызналі Віталя палітычным зняволеным.
На з'ездзе беларусаў Чэхіі прайшла акцыя ў падтрымку палітвязня.
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
«Наша Нiва» — бастыён беларушчыны
ПАДТРЫМАЦЬ
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Нет, не находится. Работают посольства и т.д. Тогда какая разница, кому донатит гражданин РБ: ВС РФ или ВСУ? Нет разницы. Значит, отвественность/безответственность за такое финансирование должна быть одинаковая. Что скажет на это Конституционный суд РБ?
[Зрэдагавана]