Чэшскі ўрад 5 кастрычніка прыняў рашэнне пашырыць магчымасць для некаторых грамадзян Беларусі атрымліваць кароткатэрміновыя чэшскія візы для сваіх блізкіх сваякоў, піша «Радыё Свабода».
Падрабязнасці новага рашэння пакуль не апублікаваныя. Вядома, што яно датычыцца беларусаў, якія маюць грамадзянства Чэхіі альбо доўгатэрміновы дазвол на пражыванне ў гэтай краіне. Яны змогуць запрашаць у Чэхію сваіх прамых сваякоў па ўзыходнай або сыходнай лініі — бацькоў, дзядоў і бабуль, дзяцей, унукаў і іншых сваякоў такога тыпу. На пасяджэнні ўрада супраць гэтай прапановы ніхто не запярэчыў.
Магчымасці для грамадзян Беларусі атрымліваць чэшскія візы былі істотна абмежаваныя ў межах мер, якія ўрад Чэхіі ўвёў пасля пачатку поўнамаштабнага расійскага ўварвання ва Украіну ў лютым 2022 года.
Прадстаўнік суполкі «Беларуская салідарнасць» у горадзе Брно Андрэй Калавур паведаміў, што беларусы ў Чэхіі маюць намер дамагацца далейшага пашырэння кола сваякоў, для якіх можна будзе афармляць запрашэнні на візы.
Гэта магчымасць з'явілася ў выніку перамоў МЗС Чэхіі з прадстаўнікамі беларускай апазіцыі.
«Дзякуем чэшскаму міністру замежных спраў Пэтру Мацінку, чэшскаму ўраду і ўсім, хто спрычыніўся да гэтай важнай справы.
Гэты вынік — плён супольнай працы дэмакратычных сіл Беларусі, у тым ліку праваабаронцы Алеся Бяляцкага, беларускай дыяспары і нацменшасці ў Чэхіі, нашых чэшскіх сяброў і перадусім абранай лідаркі Святланы Ціханоўскай», — падкрэсліла дырэктарка Офіса дэмакратычных сіл Беларусі ў Чэшскай Рэспубліцы Крысціна Шыянок.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос19
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары