Стары касмічны тэлескоп NASA вось-вось упадзе на Зямлю — ён важыць паўтары тоны
Паводле прагнозу Касмічных сіл ЗША, тэлескоп увойдзе ў атмасферу ў наступную пятніцу.
Старэючы касмічны тэлескоп NASA Swift хутка ўпадзе на Зямлю. Спроба выратаваць яго правалілася, і ён з кожным днём апускаецца ўсё ніжэй, паведамляе Associated Press.
Паводле прагнозу Касмічных сіл ЗША, тэлескоп увойдзе ў атмасферу ў наступную пятніцу. Ён важыць каля паўтары тоны, і большая частка павінна згарэць. Захавацца могуць толькі некалькі дэталяў з вальфраму, які шчыльнейшы за свінец, і часткі люстэркаў. Хутчэй за ўсё, абломкі ўпадуць у акіян. Аднак у зону магчымага падзення трапляюць Афрыка, Аўстралія, Індыя, Паўднёва-Усходняя Азія, Цэнтральная і Паўднёвая Амерыка.
Тэлескоп зніжаўся хутчэй, чым звычайна, з-за таго, што апошнія гады Сонца было вельмі актыўнае. Год таму NASA наняло кампанію Katalyst Space для тэрміновай выратавальнай місіі. Яе трохрукі робат Link стартаваў у ліпені, але сутыкнуўся з праблемамі. Да тэлескопа ён наблізіўся толькі на 12—15 км, а ў верасні сам упаў на Зямлю.
Swift запусцілі 20 лістапада 2004 года. За гэты час ён зафіксаваў больш за 2000 гама-ўспышак, 1400 выбухаў зорак і шмат камет, астэроідаў і чорных дзірак.
Яго галоўнай перавагай была здольнасць хутка паварочвацца да падзей у космасе. Чым замяніць Swift, навукоўцы яшчэ не вырашылі.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары