Pad antarktyčnym ledzianym pokryvam navukoŭcy znajšli ślady staražytnych hornych chrybtoŭ, jakija pa svaich pamierach mahli być paraŭnalnyja z Himałajami. Pavodle daśledčykaŭ z Hiermanii i Aŭstralii, hetyja tak zvanyja supierhory ŭtvarylisia 450—650 miljonaŭ hadoŭ tamu, kali padčas farmavańnia supierkantynienta Handvany Antarktyda sutyknułasia ź Indyjaj i Afrykaj, piša Euronews.

Pakolki amal usia Antarktyda pakrytaja lodam, sami hory vyjavić niemahčyma. Tamu navukoŭcy daśledavali ich ślady — asadkavyja parody, jakija ŭ vyniku vyvietryvańnia i razbureńnia hornych masivaŭ trapili ŭ akijan. Uzory hetych parod byli zdabytyja sa śvidravin uzdoŭž antarktyčnaha ŭźbiarežža.
Daśledčyki miarkujuć, što razbureńnie staražytnych hor adyhrała važnuju rolu ŭ raźvićci žyćcia na Ziamli. Pracesy vyvietryvańnia vymyvali ŭ akijan vialikuju kolkaść pažyŭnych i minieralnych rečyvaŭ, spryjali źnižeńniu kancentracyi vuhlakisłaha hazu ŭ atmaśfiery i pavieličeńniu ŭ joj doli kisłarodu.
Kala paŭmiljarda hadoŭ tamu heta mahło stvaryć spryjalnyja ŭmovy dla tak zvanaha kiembryjskaha vybuchu — rezkaha pavieličeńnia raznastajnaści žyvych arhanizmaŭ. Adnoj ź jaho asablivaściaŭ stała źjaŭleńnie vialikaj kolkaści vidaŭ ź ćviordym minieralnym škiletam, padobnym da taho, jaki majuć, naprykład, karały i hubki.
Navukoŭcy miarkujuć, što mienavita minieralnyja rečyvy, vyniesienyja ŭ akijan u vyniku razbureńnia antarktyčnych supierhor, mahli dapamahčy staražytnym arhanizmam sfarmavać takija škilety. Najaŭnaść ćviordych častak cieła taksama spryjała tamu, što paśla kiembryjskaha vybuchu ŭ hieałahičnych płastach zachavałasia značna bolš vykapniovych pareštkaŭ.
Ledzianyja mumii i pieravał vikinhaŭ. Jak z-pad lodu źjaŭlajucca tajamnicy, jakija źmianiajuć ujaŭleńni pra śviet
U Antarktydzie rezka skaraciłasia kaliści najbujniejšaja kałonija pinhvinaŭ. Ich mieniej až na paŭmiljona
U Hrenłandyi i Antarktydzie paskoryłasia rastavańnie lodu: zanadta ciopłaja vada
Azonavaja dzirka nad Antarktykaj stała adnoj z najmienšych za apošnija dziesiacihodździ
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary