6 кастрычніка ў Магілёве прэтэндэнт на пасаду прэзідэнта Алесь Міхалевіч і члены яго ініцыятыўнай групы не былі дапушчаны ў інтэрнат № 1 Магілёўскага дзяржаўнага ўніверсітэта імя Аркадзя Куляшова для збору подпісаў.
«У большасці выпадкаў уся кампанія праходзіць у адпаведнасці з законам, — заявіў Міхалевіч БелаПАН. — Але вось гэты інтэрнат, дзе калісьці жыў дзейны прэзідэнт, стаў непрыемным выключэннем, сюды не пусцілі маю ініцыятыўную групу. Мы пададзім заяву ў Цэнтральную выбарчую камісію, каб яна разабралася і каб сюды пусцілі маіх зборшчыкаў подпісаў».
Як патлумачыў каардынатар па зборы подпісаў у падтрымку Міхалевіча па Магілёву Юрый Стукалаў, кіраўніцтва інтэрната, спасылаючыся на нейкую незразумелую інструкцыю, проста зачыніла дзверы перад членамі ініцыятыўнай групы. Адзінай уступкай стаў дазвол збіраць подпісы жыхароў, знаходзячыся ў фае інтэрната.
Паводле слоў Стукалава, скарга на дзеянні адміністрацыі інтэрната будзе таксама накіравана ў выбарчую камісію Ленінскага раёна Магілёва.
Актывіст адзначыў, што на гэты момант у горадзе сабрана 3,5 тыс. подпісаў за вылучэнне Міхалевіча кандыдатам у прэзідэнты.
Паводле слоў самога прэтэндэнта, ён упэўнены, што збярэ неабходныя 100 тыс. подпісаў у сваю падтрымку.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў5
Каментары