Трус смажаны
500 г мяса труса, 50 г сала або свіной грудзінкі, 1–2 ст. лыжкі смятаны, 1 ст. лыжка сметанковага маргарыну, соль па смаку.
Заднія ножкі труса нашпігаваць свіным салам або свіной вэнджанай грудзінкай, пасаліць, змазаць смятанай, пячы на блясе або ў гусятніцы ў духоўцы да гатоўнасці.
Падаваць можна з мочанымі брусніцамі, смажанай бульбай, брусэльскай капустай, райскімі яблычкамі, скрылікамі лімона, зелянінай.
Тушаныя трубачкі з мяса труса
1 трус, соль, чорны і чырвоны молаты перац, 200 г варанай каўбасы, 1 крутое яйка, 100 г сыру, 60 г масла або маргарыну, 1,5–2 шклянкі булёну, вострыя прыправы, 1 ст. лыжка мукі, 2–3 ст. лыжкі смятаны, соль, чорны і чырвоны молаты перац, кроп або зеляніна пятрушкі, лісточкі мацярдушкі, маярану, мяты і г.д. да густу.
Труса разрэзаць на вялікія кавалкі (пярэднія ножкі, заднія ножкі, 2–4 часткі тушкі), косці выдаліць. Ва ўтвораныя адтуліны насыпаць солі і перцу і пакласці нарэзаныя саломкай або кубікамі каўбасу, яйка і сыр. Кавалкам прыдаць форму трубачак, перавязаць шпагатам або замацаваць вострымі драўлянымі палачкамі, пакласці ў нізкую каструлю разрэзаным бокам дагары. Наліць булён і пакласці кавалачкі масла, для смаку пакласці лісточкі мацярдушкі, маярану, мяты і г.д. Тушыць пад накрыўкай на слабым агні да поўнай гатоўнасці. Падаць з пасечанай зелянінай кропу або пятрушкі.
НБ
Цяпер чытаюць
Як у галечы співалася радня Лукашэнкі? Малавядомыя факты48
Каментары