асуджаны рагачоўскі міліцыянер, які забіў з пісталета дзяўчыну.
Былы ўчастковы інспектар Рагачоўскага РАУС, які забіў з табельнага пісталета22-гадовую дзяўчыну, прыгавораны да 18 гадоў пазбаўлення волі. Такое рашэнне прыняў 10 снежня Гомельскі абласны суд.
Былы міліцыянер прызнаны вінаватым у забойстве жыхаркі вёскі Журавічы, учыненым з хуліганскіх меркаванняў (п. 13 ч. 2 арт. 139 Крымінальнага кодэкса). Пакаранне ён будзе адбываць у калоніі ўзмоцненага рэжыму.
Акрамя таго, па рашэнні суда былы ўчастковы інспектар абавязаны кампенсаваць пацярпелым — бацькам забітай — матэрыяльны і маральны ўрон. Матэрыяльны ўрон ацэнены судом у памеры каля 3 млн. рублёў, маральны — 70 млн.
Асуджаны таксама пазбаўлены звання «капітан міліцыі», з яго спагнана больш за 4 млн. рублёў на карысць бальніцы,дзе на працягу 10 дзён знаходзілася пацярпелая дзяўчына.
Суд вынес прыватную пастанову ў адрас начальніка ўпраўлення ўнутраных спраў Гомельскага аблвыканкама аб устараненні выяўленых недахопаў.
Выступаючы ў спрэчках 8 снежня, дзяржабвінаваўца прапаноўваў прызначыць падсуднаму меру пакарання ў выглядзе пазбаўлення волі тэрмінам на 20 гадоў.
Па заключэнні экспертызы, былы міліцыянер псіхічна здаровы і мог усведамляць свае дзеянні.
Паводле слоў дзяржабвінаваўца, назіраючы за паводзінамі абвінавачванага ў судзе, ён прыйшоў да высновы, што
той не ўсведамляў глыбіні гора, якое прычыніў сям’і загінулай, і не раскаяўся.
Змякчальнымі абставінамі пракурор назваў тое, што ў абвінавачванага ёсць двое непаўналетніх дзяцей, а таксама тое, што ён меў станоўчыя характарыстыкі. Абцяжарваючымі абставінамі, паводле слоў дзяржабвінаваўца, стала тое, што ў момант учынення злачынства ўчастковы быў п’яны, і тое, што ён прымаў прысягу на вернасць Беларусі і яе народу.
У сваю чаргу адвакат абвінавачванага паставіў пад сумненні паказанні сведак і прасіў суд перакваліфікаваць абвінавачванне з артыкула 139 (забойства) на артыкул 144 КК (прычыненне смерці па неасцярожнасці).
Бацькі забітай дзяўчыны задаволеныя прыгаворам суда і лічаць яго справядлівым.
Падсудны, выступаючы з апошнім словам, папрасіў прабачэння ў сваякоў забітай ім дзяўчыны і папрасіў паблажкі ў суддзяў.
Трагедыя адбылася ў ноч з 6 на 7 ліпеня гэтага года, калі ў вёсцы Журавічы святкавалі Купалле. Участковы міліцыянер Рагачоўскага РАУС параніў мясцовую жыхарку з табельнага пісталета ў службовай машыне. Дзяўчына атрымала сляпое агнястрэльнае раненне галавы і праз 10 дзён дзяўчына памерла ў рэанімацыі.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары