Кандыдат ў прэзідэнты ад Партыі БНФ Рыгор Кастусёў выступіў з палітычнай заявай.
Кандыдат ў прэзідэнты ад Партыі БНФ Рыгор Кастусёў выступіў з палітычнай заявай.
«Апошнія беларуска‑расійскія пагадненні, і асабліва заявы расійскага прэм’ера Пуціна сведчаць: беларускі рэжым гатовы падпарадкавацца Расіі ў эканамічнай сферы, а ў перспектыве нават гатовы да поўнай інкарпарацыі нашай народнай гаспадаркі ў расійскую. 9 снежня ў Маскве А. Лукашэнка абвясціў пра намер да канца года ратыфікаваць усе дамовы па Адзінай эканамічнай прасторы з Расіяй. Гэта будзе азначаць значны крок па здачы нашага нацыянальнага суверэнітэту», — піша Р.Кастусёў.
«Палітычная наіўнасць асобных дзеячаў дазволіла уцягнуць некаторыя структуры беларускай дэмакратычнай апазіцыі ў небяспечныя гульні з Крамлём.Такім чынам яны сталі разменнай манетай ў працэсе прымусу здачы нашага нацыянальнага суверэнітэту», — кандыдат лічыць, што заігрыванне з Захадам было патрэбнае для замазахавання. Але Крэмль паставіў на найбольш прарасійскага — Лукашэнку.
«На сёння фронт барацьбы за незалежнасць і фронт змагання з дыктатурай спалучыліся ў адну лінію — у лінію абароны нацыянальных інтарэсаў беларускага народа.
Гэтыя «выбары» выкарыстоўваюцца Масквою як нагода для наступу на беларускую незалежнасць з мэтай пастаноўкі дыктатара ў пазіцыю яшчэ большай залежнасці ад расейскай палітычнай і эканамічнай падтрымкі, ажно да беспасярэдняга кантролю за беларускай маёмасцю, прадпрыемствамі, фінансавай і валютнай сістэмай, межамі, войскам і іншымі інстытутамі суверэннай дзяржавы», — мяркуе Р.Кастусёў.
«Пры такіх умовах удзел нацыянальна‑дэмакратычных сілаў у гэтай палітычнай кампаніі можа ставіць толькі адну мэту: абарону незалежнасці», — кандыдат заклікаў сваіх прыхільнікаў прыходзіць на Плошчу 19 снежня.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары