Kandydat ŭ prezidenty ad Partyi BNF Ryhor Kastusioŭ vystupiŭ z palityčnaj zajavaj.
Kandydat ŭ prezidenty ad Partyi BNF Ryhor Kastusioŭ vystupiŭ z palityčnaj zajavaj.
«Apošnija biełaruska‑rasijskija pahadnieńni, i asabliva zajavy rasijskaha premjera Pucina śviedčać: biełaruski režym hatovy padparadkavacca Rasii ŭ ekanamičnaj śfiery, a ŭ pierśpiektyvie navat hatovy da poŭnaj inkarparacyi našaj narodnaj haspadarki ŭ rasijskuju. 9 śniežnia ŭ Maskvie A. Łukašenka abviaściŭ pra namier da kanca hoda ratyfikavać usie damovy pa Adzinaj ekanamičnaj prastory z Rasijaj. Heta budzie aznačać značny krok pa zdačy našaha nacyjanalnaha suvierenitetu», — piša R.Kastusioŭ.
«Palityčnaja naiŭnaść asobnych dziejačaŭ dazvoliła uciahnuć niekatoryja struktury biełaruskaj demakratyčnaj apazicyi ŭ niebiaśpiečnyja hulni z Kramlom.Takim čynam jany stali raźmiennaj manietaj ŭ pracesie prymusu zdačy našaha nacyjanalnaha suvierenitetu», — kandydat ličyć, što zaihryvańnie z Zachadam było patrebnaje dla zamazachavańnia. Ale Kreml pastaviŭ na najbolš prarasijskaha — Łukašenku.
«Na siońnia front baraćby za niezaležnaść i front zmahańnia z dyktaturaj spałučylisia ŭ adnu liniju — u liniju abarony nacyjanalnych intaresaŭ biełaruskaha naroda.
Hetyja «vybary» vykarystoŭvajucca Maskvoju jak nahoda dla nastupu na biełaruskuju niezaležnaść z metaj pastanoŭki dyktatara ŭ pazicyju jašče bolšaj zaležnaści ad rasiejskaj palityčnaj i ekanamičnaj padtrymki, ažno da biespasiaredniaha kantrolu za biełaruskaj majomaściu, pradpryjemstvami, finansavaj i valutnaj sistemaj, miežami, vojskam i inšymi instytutami suvierennaj dziaržavy», — miarkuje R.Kastusioŭ.
«Pry takich umovach udzieł nacyjanalna‑demakratyčnych siłaŭ u hetaj palityčnaj kampanii moža stavić tolki adnu metu: abaronu niezaležnaści», — kandydat zaklikaŭ svaich prychilnikaŭ prychodzić na Płošču 19 śniežnia.
Kamientary