Мілінкевіч да кіраўніцтва ЕС: аднаўленне адносін толькі пасля вызвалення вязняў
Старшыня Руху за Свабоду Аляксандр Мілінкевіч накіраваў ліст кіраўнікам Еўрасаюза ван Рампёю, Эштан і Фюле.
Старшыня Руху «За Свабоду» Аляксандр Мілінкевіч накіраваў ліст кіраўнікам Еўрасаюза Херману ван Рампёю, Кэтрын Эштан і Штэфану Фюле з заклікам аднавіць стасункі з Беларуссю толькі пасля вызвалення палітвязняў і затрыманых 19 снежня.
«19 снежня 2010 года ў Беларусі адбыліся прэзідэнцкія выбары. Нягледзячы на некаторы прагрэс у атмасферы кампаніі, пры падліку галасоў былі зафіксаваныя сур’ёзныя парушэнні міжнародных стандартаў. Беларускія ўлады не забяспечылі справядлівы і празрысты выбарчы працэс», — піша Мілінкевіч.
Паводле яго слоў,
шматтысячная мірная маніфестацыя пратэсту супраць фальсіфікацый выбараў скончылася неадэкватна жорсткім гвалтам пад прэтэкстам учыненай невядомымі асобамі правакацыі.«Затрымана больш за 600 дэмакратычных актывістаў, журналістаў і пяць кандыдатаў у прэзідэнты, якія знаходзяцца ў турме КДБ. 22 лідарам і актывістам апазіцыі пагражае да 15 гадоў турмы», — адзначае аўтар ліста.
Мілінкевіч звяртаецца да кіраўнікоў ЕС з просьбай «выказаць салідарнасць з ахвярамі палітычнага пераследу, запатрабаваць ад кіраўніцтва Беларусі неадкладнага вызвалення ўсіх вязняў сумлення і аб’ектыўнага расследавання выпадкаў выкарыстання гвалту ў дачыненні да ўдзельнікаў маніфестацыі».
«У адказ на масавае парушэнне правоў чалавека Еўрасаюзу варта запрапанаваць беларускаму ўраду «нулявы варыянт»: адносіны Беларусі і Еўрасаюза аднаўляюцца толькі пасля вызвалення палітвязня Міколы Аўтуховіча, усіх затрыманыхДля працягу дыялогу з Еўрасаюзам улады Беларусі павінны аб’явіць мараторый на палітзняволеных», — лічыць Мілінкевіч.экс-кандыдатаў у прэзідэнты і актывістаў, арыштаваных 19 снежня і пасля.
На яго думку, новы план супрацоўніцтва «не павінен быць прывязаны выключна да электаральных падзеяў». «Ён мае агаворваць паляпшэнне ўмоваў дзейнасці НДА, партый і медыя, а таксама атрымання замежнай дапамогі», — піша палітык.
«Для парламенцкіх выбараў 2012 года асноўнай умовай іх прызнання неабходна паставіць прынцып «кандыдаты і ўлада лічаць галасы разам», — прапануе лідар Руху «За Свабоду».
Каментары