Пасля матчу чэмпіянату свету заўзятары Японіі прыбралі за сабой трыбуны на стадыёне
Заўзятары зборнай Японіі зноў здзівілі: на чэмпіянаце свету пасля гульні са зборнай Нідэрландаў яны прыбралі пасля сябе трыбуны.
Гэтая традыцыя не новая і цягнецца яшчэ з мінулага стагоддзя, піша Onliner.by.
Мінулай ноччу японцы здолелі здзейсніць міні-сенсацыю, здабыўшы адзін бал у матчы з Нідэрландамі (2:2). Сустрэча атрымалася эмацыйнай: Японія двойчы адыгрывалася, а апошні мяч забілі ўжо на 89‑й хвіліне.
Пасля матчу японскія заўзятары прыбралі пасля сябе на стадыёне.
Лічыцца, што гэтая традыцыя ўзнікла ў канцы мінулага стагоддзя, і сёння такія акцыі сталі звычайнымі для японскіх заўзятараў на чэмпіянатах свету, Алімпійскіх гульнях і іншых буйных спартыўных спаборніцтвах, у якіх удзельнічае Японія.
На мінулым чэмпіянаце свету японскія заўзятары прыйшлі на матч адкрыцця паміж краінай-гаспадаром Катарам і Эквадорам, а затым дапамаглі прыбраць трыбуны, хоць іх зборная ў той сустрэчы нават не гуляла.
На пытанне, навошта яны гэта робяць, японцы адказваюць: «Тацу торы ато во нігасадзу». Даслоўны пераклад з японскай: «Птушка нічога не пакідае пасля сябе». Агульны сэнс такі: «Пакіньце гэта ў тым выглядзе, у якім вы гэта знайшлі».
Падобныя паводзіны японцаў — гэта праява японскай культуры, дзе вялікае значэнне надаецца чысціні грамадскіх прастораў і павазе да навакольных.
На стадыі групавога этапу японцам яшчэ трэба будзе згуляць са Швецыяй і Тунісам.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары