Нямецкі генерал расказаў, куды НАТА будзе найперш біць па Расіі ў выпадку канфлікту
Камандуючы Вайскова-паветранымі сіламі Германіі Хольгер Нойман у інтэрв’ю брытанскай газеце The Telegraph заявіў, што ў выпадку ўзброенага канфлікту паміж НАТА і Расіяй альянс можа нанесці ўдары па шэрагу стратэгічных аб’ектаў на тэрыторыі Расіі.
Сярод магчымых цэляў нямецкі міністр назваў Калінінградскую вобласць, Кольскі паўвостраў, Санкт-Пецярбург і акваторыю Чорнага мора, дзе знаходзяцца базы Чарнаморскага флоту Расіі.
Па словах генерала, НАТА будзе абараняць кожную дзяржаву — члена альянсу без выключэння. Ён адзначыў, што магчымы напад на Эстонію атрымаў бы такі ж самы адказ, як і атака на Вялікабрытанію, бо ў межах блока няма падзелу на больш ці менш важныя зоны бяспекі.
Нойман таксама заявіў, што нямецкія Вайскова-паветраныя сілы працягваюць паскораную мадэрнізацыю і, паводле яго слоў, гатовыя да выканання баявых задач у выпадку атрымання адпаведнага загаду.
Выказванні нямецкага генерала ўспрымаюцца назіральнікамі як адлюстраванне больш жорсткай палітыкі Германіі ў сферы абароны і пераўзбраення пасля пачатку вайны Расіі супраць Украіны. Кіраўніцтва Германіі заяўляе пра намер узмацніць сваё войска і павялічыць яго магчымасці ў межах НАТА.
Пуцін паабяцаў узмацніць удары па ўкраінскай інфраструктуры і перакананы, што Расія паспяхова наступае
Камандуючы войскамі ЗША ў Еўропе заявіў, што Пуцін не шукае вайны з НАТА
Расія будуе каля межаў з Нарвегіяй, Фінляндыяй і краінамі Балтыі вайсковыя базы на 115 тысяч салдат
«Калі Расія пераможа. Адзін са сцэнароў». Пра што гэты бестсэлер?
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары