Выказванні папы ў Егіпце назвалі «ўмяшальніцтвам ва ўнутраныя справы краіны»
Егіпет адклікаў у аўторак для кансультацый свайго пасла ў Ватыкане пасля нядаўніх выказванняў папы рымскага Бенедыкта XVI.Пра гэта заявіў афіцыйны прадстаўнік МЗС АРЕ Хусам Закі.
Паводле яго словаў, кіраўнік дыпмісіі выкліканы ў Каір «услед за чарговай заявай Ватыкана, якая закранае Егіпет і з’яўляецца недапушчальным умяшальніцтвам ва ўнутраныя справы краіны».
У мінулы панядзелак кіраўнік
Рымска-каталіцкай царквы заклікаў урады галоўным чынам мусульманскіх краін больш рабіць для абароны хрысціянскіх меншасцяў.
Пантыфік ізноў асудзіў нядаўнія напады на цэрквы, якія забралі дзясяткі жыццяў у Егіпце, Іраку і Нігерыі, паказаўшы пры гэтым на неабходнасць прыняцця эфектыўных мераў супраць рэлігійнай нецярпімасці.
1 студзеня праз некалькі хвілін пасля надыходу новага 2011 года ў егіпецкай Александрыі ля копцкага храма прагрымеў магутны выбух, ад якога пацярпеў 21 чалавек. Тэракт быў здзейснены ў той момант, калі вернікі пачалі выходзіць з храма пасля святочнай службы. Сярод загінулых былі цэлыя сем’і, шмат маладых людзей.
Гэты тэракт ледзь не прывёў да міжканфесійнага расколу ў краіне. Па ўсім Егіпце прайшла хваля беспарадкаў.У сутыкненнях з мусульманамі і паліцыяй тысячы коптаў выказвалі пратэст супраць прыгнёту з боку ісламскай большасці.
Егіпецкая хрысціянская абшчына з’яўляецца адной з найбольш буйных на Блізкім Усходзе. У яе ўваходзіць каля 10% з 80 млн жыхароў АРЕ.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары