Пра гэта пішуць украінскія СМІ.
Віншаванне Аляксандру Лукашэнку з перамогай на выбарах, нібыта накіраванае напярэдадні Новага года ад імя прэзідэнта Украіны, маглі падрабіць у Адміністрацыі прэзідэнта Беларусі.Пра гэта паведамілі 3 лютага ўкраінскія СМІ.
Украінскія выданні звяртаюць увагу на дзіўную стрыманасць афіцыйнага Кіева ў каментарах падзей, якія адбываюцца ў суседняй рэспубліцы. Такі стан рэчаў кантрастуе з сітуацыяй папярэдніх гадоў, калі чыноўнікі найвышэйшага рангу Украіны і Беларусі ахвотна каментавалі перспектывы развіцця двухбаковых адносін ва ўсіх сферах.
Незалежныя СМІ звярнулі ўвагу на тое, што ў Адміністрацыі прэзідэнта Украіны не каментуюць паведамленне пра тое, што прэзідэнт Януковіч павіншаваў Лукашэнку з перамогай на выбарах. 3 лютага першы намеснік кіраўніка Галоўнага ўпраўлення па гуманітарных пытаннях Адміністрацыі прэзідэнта Украіны Алег Мірус зрабіў шматзначную заяву:
«На сайце Януковіча віншаванняў Аляксандру Лукашэнку няма. Ёсць толькі паведамленне на сайце Лукашэнкі».Адказваючы на пытанне, ці з’яўляецца гэтае віншаванне выдумкай Мінска, ён сказаў, што можа каментаваць толькі тое, што ёсць на сайце прэзідэнта Украіны.
Афіцыйны сайт Лукашэнкі размясціў 31 снежня 2010 тэкст віншавання Віктара Януковіча: «Упэўнены, што з Вашым пераабраннем на пасаду прэзідэнта рэспублікі Беларусь супрацоўніцтва паміж нашымі дзяржавамі атрымае новы практычны імпульс. Актыўная дынаміка ўзаемадзеяння дазволіць рэалізаваць маштабныя праекты на карысць украінскага і беларускага народаў». На афіцыйным сайце прэзідэнта Украіны дадзенай віншавальнай тэлеграмы да гэтага часу няма.
21 снежня кіраўнік дэпартамента інфармацыйнай палітыкі Міністэрства замежных справаў Украіны Алег Валошын заявіў, што Украіна занепакоеная «непрапарцыйным» ужываннем сілы ў дачыненні да апазіцыі і прэсы падчас выбараў прэзідэнта Беларусі 19 снежня. Валошын падкрэсліў:
Украіна мае намер ацэньваць выбары прэзідэнта Беларусі згодна з заключэннем АБСЕ.
Днямі ў інтэрв’ю польскім журналістам
Віктар Януковіч заявіў, што не сумняецца ў перамозе Аляксандра Лукашэнкі на выбарах, а вось таго, што адбывалася пасля, зразумець не можа.
— Мне здалося, што ён апошнім часам змяніўся, што будзе больш прагматычна ставіцца да апазіцыі. Калі я гаварыў з ім, думаў, што ён змяніўся да лепшага. Але калі я ўбачыў, што адбылося ў Беларусі, я быў здзіўлены. Прасцей кажучы, ён перагнуў палку, — сказаў прэзідэнт Украіны.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары